గుర్తుపట్టలేనంత సన్నగా మారిపోయిన హాస్యనటి, ఎందుకని?

ఎవరైనా లావుగా ఉండి ఉన్నట్లుండి సన్నగా అయిపోతే ఆశ్చర్యపోతూ ఉంటాం. అందులోను సినీప్రముఖులైతే ఆశ్చర్యకరంగా చూస్తుంటాం. అలాంటి వారిలో తెలుగు సినీపరిశ్రమకు చెందిన హాస్యనటి సన్నగా అయిపోయింది. తను సన్నగా అయిన విషయాన్ని ఇన్‌స్టాగ్రాం ద్వారా ఫోటోలను పంపింది ఆ నటి.

నాడు, నేడు అంటూ ఆమె పెట్టిన ఫోటోలు ఇప్పుడు వైరల్ అవుతున్నాయి. అప్పుడు ఎన్ని కిలోలు ఉన్నానో మీకు తెలుసు. ఇప్పుడు మాత్రం 69.2 కిలోలు ఉన్నానని చెబుతోంది విద్యుల్లేఖా రామన్. వ్యాయామంతో అది సాధ్యమైందని చెబుతోంది.

ఎలాంటి కషాయాలు, మాత్రలు వేసుకోలేదని, కష్టపడనిదే జీవితంలో ఏదీ సులువుగా రాదని సందేశం పంపింది. తాను ఎంతో కష్టపడి వ్యాయామాలు చేయడంతోనే సన్నగా మారిపోయాయని సంతోషంగా చెబుతోంది. లావుగా ఉన్న వారు ఏ మాత్రం బాధపడకుండా ప్రతిరోజు వ్యాయామాలు చేస్తే మిమ్మల్ని మీరే నమ్మని విధంగా ఫిట్నెస్‌గా మారి సన్నబడతారని చెబుతోంది విద్యుల్లేఖారామన్.