కరిష్మా కపూర్ ప్రేమలో వుందా.. తండ్రి రణ్ ధీర్ ఏమన్నారంటే?
బాలీవుడ్ నటి కరిష్మాకపూర్ రెండో వివాహంపై.. ఆమె తండ్రి రణ్ ధీర్ కపూర్ స్పందించారు. కరిష్మాను మళ్లీ పెళ్లిచేసుకోబోతుందని వస్తున్న వార్తల్లో నిజం లేదన్నారు. మళ్లీ పెళ్లి చేసుకోమని కరిష్మాకు తాను చెప్పాన
బాలీవుడ్ నటి కరిష్మాకపూర్ రెండో వివాహంపై.. ఆమె తండ్రి రణ్ ధీర్ కపూర్ స్పందించారు. కరిష్మాను మళ్లీ పెళ్లిచేసుకోబోతుందని వస్తున్న వార్తల్లో నిజం లేదన్నారు. మళ్లీ పెళ్లి చేసుకోమని కరిష్మాకు తాను చెప్పానని... కానీ, తనకు పెళ్లిపై ఆసక్తి లేదని ఆమె తెలిపిందని చెప్పారు. కరిష్మాకు తన పిల్లలే ప్రపంచమని, ఆమె మరొకరి ప్రేమలో లేదని స్పష్టం చేశారు. స్నేహితులతో కలసి బయటకు వెళ్లడంలో తప్పేముందన్నారు.
కాగా బాలీవుడ్ నటి కరిష్మాకపూర్ తన భర్త సంజయ్ కపూర్ నుంచి గత ఏడాది విడాకులు తీసుకున్న సంగతి తెలిసిందే. ఆ తర్వాత సంజయ్ తన ప్రియురాలు ప్రియను వివాహం చేసుకున్నాడు. మరోవైపు, ముంబైకి చెందిన వ్యాపారవేత్త సందీప్ తోష్నీవాల్‌తో కరిష్మా ప్రస్తుతం ప్రేమలో ఉందని టాక్. ఈ వార్తలపై రణ్ ధీర్ స్పందిస్తూ.. సందీప్ గురించి తనకు తెలియదన్నారు.
పిల్లలే తన ప్రపంచంగా వారికి మంచి భవిష్యత్తు అందించడమే తన లక్ష్యంగా కరిష్మా కపూర్ వుందన్నారు. ఒకవేళ మరో వ్యక్తితో కలిసి బయటికి వెళ్లాలనుకుంటే నిర్మొహమాటంగా వెళ్లొచ్చు. అందులో తప్పేముంది.. స్నేహితులతో కలిసి బయటికి వెళ్లడం తప్పు కాదు కదా.. ఇప్పటికైతే కరిష్మా తన జీవితాన్ని హాయిగా గడుపుతోంద‌ని తెలిపారు.
