అమ్మ ప్రేమ చిరకాలం అంటున్న మ‌హేష్‌బాబు
అమ్మ ప్రేమ‌ను ఒక్క‌రోజులో వ్యక్తం చేసేదికాదంటూ త‌న మాతృమూర్తి ఇందిరా దేవి జ‌న్మ‌దినం సంద‌ర్భంగా మ‌హేష్‌బాబు ట్వీట్ చేశాడు. ఇదేరోజు మహేష్ సోద‌రి మంజుల కుటుంబ‌స‌భ్యుల‌తో దిగిన ఫొటోపెట్టి చంద్రుని వంటి చ‌ల్ల‌ని ప్రేమ అమ్మ‌త‌నం అంటూ పేర్కొంది. ఇద్ద‌రూ కూడా సోషల్ మీడియా ద్వారా ఎమోషనల్ బర్త్ డే విషెష్ ని తెలియజేశారు.
“హ్యాపీ బర్త్ డే అమ్మ మీరు నాకు ఎల్లప్పుడూ ఆశీర్వాదంగా ఉన్నందుకు ధన్యవాదాలు.. ఒక్క రోజు చాలదు మీ మీద నా ప్రేమ చిరకాలం ఉంటుంది” అని తాను జన్మదిన శుభాకాంక్షలు తెలియజేసారు. దీనితో మహేష్ అభిమానులు కూడా తమ అభిమాన హీరోకి జన్మనిచ్చిన మాతృమూర్తికి తాము కూడా శుభాకాంక్షలు తెలియజేస్తూ ఆనందం వ్యక్తం చేస్తున్నారు.
పుట్టినరోజు శుభాకాంక్షలు అమ్మ! చంద్రుని వంటి ప్రేమ‌ను ఆస్వాదిస్తున్నా. ఇన్నాళ్లూ మీరు మాకు అందించిన ప్రేమకు మీకు ఎప్పుడూ కృతజ్ఞతలు. అని మంజుల తెలియ‌జేసింది.
