డిసెంబర్లో నాగచైతన్య - శోభితల వివాహం.. ఎక్కడ జరుగుతుందంటే?
నాగచైతన్య - శోభితల వివాహం డిసెంబర్ నెలలో ఉంటుందంటూ సోషల్ మీడియాలో వార్తలు వైరల్ అవుతున్నాయి. తాజాగా ఈ విషయాన్ని అక్కినేని కుటుంబ సభ్యులు ధ్రువీకరించారు.
వారం రోజుల క్రితం శోభిత తన ఇన్స్టా వేదికగా 'పసుపు దంచటం .. ఇక ఆరంభమైంది' అంటూ పెళ్లి పనులు మొదలు పెట్టినట్లు పరోక్షంగా ప్రకటించి అందుకు సంబంధించిన ఫోటోలను షేర్ చేశారు. ఈ ఫోటోలు సోషల్ మీడియాలో వైరల్ అయ్యాయి. దీంతో అధికారికంగా చెప్పకపోయినా త్వరలోనే పెళ్లి ఉంటుందని టాక్ మొదలైంది.
నాగచైతన్య - శోభితల నిశ్చితార్ధ వేడుక ఈ ఏడాది ఆగస్టు 8న కుటుంబ సభ్యులు, సన్నిహితుల సమక్షంలో ఘనంగా జరిగిన విషయం తెలిసిందే. ఇక డిసెంబర్ నాలుగో తేదీన వీరి వివాహం వుంటుందని టాక్.
