చెంప పగులగొట్టిన సహాయ నటుడు.. నటికి చెవి నుంచి రక్తం...
సినిమా షూటింగ్ సమయంలో జరిగిన చిన్నపొరపాటు వల్ల హీరోయిన్ తీవ్రంగా గాయపడింది. సహాయ నటుడు చెంపపై కొట్టడంతో చెవి నుంచి నెత్తురు వచ్చింది. దీంతో ఆమెను హుటాహుటిన ఆస్పత్రికి తరలించారు. ఈ వివరాలను పరిశీలిస్తే
సినిమా షూటింగ్ సమయంలో జరిగిన చిన్నపొరపాటు వల్ల హీరోయిన్ తీవ్రంగా గాయపడింది. సహాయ నటుడు చెంపపై కొట్టడంతో చెవి నుంచి నెత్తురు వచ్చింది. దీంతో ఆమెను హుటాహుటిన ఆస్పత్రికి తరలించారు. ఈ వివరాలను పరిశీలిస్తే,
టాలీవుడ్ యువ హీరో నాని ప్రధాన పాత్ర‌లో తెర‌కెక్కిన చిత్రం "జెండాపై క‌పిరాజు". ఇందులో మెరిసిన కన్నడ భామ రాగిణి ద్వివేది. తెలుగు ప్రేక్ష‌కుల‌కి బాగానే గుర్తుండి ఉంటుంది. త‌మిళం, మ‌ల‌యాళ భాష‌ల‌లోను ప‌లు చిత్రాల్లో ఆమె నటించింది.
తాజాగా ఈ అమ్మ‌డు ముస్సంజె మ‌హేష్ ద‌ర్శ‌క‌త్వంలో ఎం.ఎస్‌.సి.హెచ్‌ అనే కన్నడ సినిమా చేస్తుంది. ఈ చిత్రంలో రాగిణి పోలీస్ అధికారి పాత్ర చేస్తుంది. అయితే ఈ చిత్రానికి సంబంధించి మినర్వమిల్‌లో ఫైటింగ్ స‌న్నివేశాన్ని తెరకెక్కిస్తుండగా చిన్నపాటి అపశృతి జరిగింది.
ఆ సమయంలో సహాయ నటుడు చేయి రాగిణి చెవికి గ‌ట్టిగా త‌గ‌ల‌డంతో ఆమె చెవి నుండి రక్తం దార‌లుగా కారింద‌ట. వెంట‌నే ఆమెని ద‌గ్గ‌ర‌లోని ఆసుప‌త్రికి త‌ర‌లించి చికిత్స‌నందిస్తున్నారు. ప్రస్తుతం రాగిణి ఆరోగ్యం మెరుగుప‌డిన‌ట్టు తెలుస్తుండ‌గా, త్వ‌ర‌లోనే మ‌ళ్లీ టీంతో క‌ల‌వ‌నుంద‌ట.
