'ఆర్ఆర్ఆర్' కామన్.. సబ్ టైటిలే మారుతుంది..
ఇటీవల ఏర్పాటు చేసిన మీడియా సమావేశంలో రాజమౌళి తన సినిమాకు 'ఆర్ఆర్ఆర్' టైటిల్‌ను మార్చబోయేది లేదని ప్రకటించేసాడు. కానీ దానికి సబ్ టైటిల్‌ను మాత్రం ఒక్కో భాషలో ఒక్కో విధంగా ఉంటుందని కూడా చెప్పాడు. ఈ సినిమా తెలుగుతో పాటు తమిళం, మలయాళం, హిందీ, కన్నడం, అలాగే మరికొన్ని ఇతర భాషల్లో కూడా విడుదల కాబోతోంది.
అన్ని భాషల్లోనూ 'ఆర్ఆర్ఆర్' కామన్ టైటిల్‌గా ఉంటుంది. కానీ ప్రతి భాషలో ఆ భాషకు తగ్గట్లు దాని ఫుల్ ఫామ్ మారుతుంది. కాబట్టి 'ఆర్ఆర్ఆర్' అనే షాట్ ఫామ్ వచ్చే విధంగా టైటిల్స్ చెప్పమని రాజమౌళి ప్రేక్షకులనే కోరారు.
అలా ప్రేక్షకులు చెప్పిన టైటిల్స్‌లో బాగున్న వాటినే సినిమాకు పెడతామని కూడా చెప్పారు. ఈ విషయాన్నే ఇప్పుడు ఈ సినిమా అధికారిక ట్విట్టర్ అకౌంట్ 'ఆర్ఆర్ఆర్ మూవీ'లో కూడా చెప్పారు. అన్ని భాషల్లో ఆర్ఆర్ఆర్‌కు ఫుల్ ఫామ్ సూచించమని ప్రేక్షకుల నుండి సలహాలు కోరుతున్నారు.
