తాళికట్టు శుభవేళ.. వరుడి చెవిలో ఏదో చెప్పిన వధువు... స్పృహ తప్పాడు..
తాళికట్టు శుభవేళ.. ఆ క్షణాల్లో వధువు వరుడు చెవులో ఏదో చెప్పింది. అంతే వరుడు మూర్ఛపోయాడు. ఇంతకీ ఆమె వరుడు చెవిలో ఏం చెప్పింది. అసలు వరుడు ఎందుకు మూర్ఛపోయాడనేది తెలియకుండా అందరూ షాక్ తిన్నారు.
ఇంతకీ వధువు ఏం చెప్పిందంటే.. త‌న‌కు పెళ్లి ఇష్టం లేద‌ని బాంబు లాంటి వార్తను చెవిలో చెప్పింది. త‌న‌కు అప్ప‌టికే వేరే వ్య‌క్తితో పెళ్లి అయిపోయింద‌ని కూడా వధువు చెప్పేసింది.
ఇంకేముంది... కాసేప‌ట్లో తాళి క‌డ‌తాన‌న్న సంతోషంలో నుంచి షాక్‌లోకి వెళ్లిపోయిన వరుడు పెళ్లి మండ‌పంలో తాను కూర్చున్న పెళ్లి పీటలపైనే స్పృహ తప్పి పడిపోయాడు.
ఈ వెధ‌వ ప‌నిని ముందే ఎందుకు చెప్ప‌లేదంటూ వ‌ధువును ఆమె త‌ల్లిదండ్రులు, బంధువులు పెళ్లి మండంపైనే చెంప‌లు వాయించేశారు. ఈ ఘ‌ట‌న ఒడిశాలోని బాలాసోర్ జిల్లా రేమ్ గ్రామంలో చోటుచేసుకుంది. ఈ ఘ‌ట‌న‌కు చెందిన వీడియో సోషల్ మీడియాలో ఇప్పుడు చ‌క్క‌ర్లు కొడుతోంది.
