Daily Horoscope
✕

ఈ ఫోటోను చూసి మీరు ఏమంటారు? నా డాక్యుమెంటరీలో లేదు.. లీలా మణిమేగలై

Written By సెల్వి
Updated: శుక్రవారం, 8 జులై 2022 (10:43 IST)
Lord Shiva-Parvati
డాక్యుమెంటరీ ఫిల్మ్ డైరెక్టర్ లీలా మణిమేగలై మళ్లీ వార్తల్లో నిలిచింది. కాళీ వివాదం విషయంలో తనపై పలు కేసులు నమోదైన నేపథ్యంలో.. తాజా పోస్ట్‌తో లీనా తన వాదనను సమర్థించుకునేయత్నం చేసింది.
 
తమిళనాడు రాష్ట్రంలోని మదురైకి చెందిన లీనా మణిమేగలై.. 'రిథమ్స్‌ ఆఫ్‌ కెనడా'లో భాగంగా 'కాళీ' పేరుతో ఓ డాక్యుమెంటరీ చిత్రీకరించారు. దీనికి సంబంధించిన పోస్టర్‌ను కెనడాలోని టొరంటోలోని ఉన్న అగాఖాన్‌ మ్యూజియంలో విడుదల చేశారు. 
 
అయితే, ఆ పోస్టర్‌ దేవతా మూర్తిని కించపరిచేలా ఉందని ఆరోపిస్తూ భారత్‌లో నిరసనలు వెల్లువెత్తిన విషయం తెలిసిందే. అందులోకి కాళీ చేతిలో సిగరెట్‌ కన్పించడం, వెనుకవైపు స్వలింగ సంపర్కుల జెండా వంటివి తీవ్ర వివాదానికి దారితీశాయి.
 
ఈ క్రమంలోనే ఆమె చేసిన పోస్ట్‌ మత విశ్వాసాలను దెబ్బతీసేలా ఉందంటూ పలు రాష్ట్రాల్లో కేసులు నమోదయ్యాయి. అటు కెనడాలోని భారత హైకమిషన్‌ కూడా దీన్ని తీవ్రంగా పరిగణించింది. 
 
దీంతో స్పందించిన అగాఖాన్‌ మ్యూజియం.. ఆ డాక్యుమెంటరీని ప్రదర్శన నుంచి తొలగించింది. అటు ట్విటర్‌ కూడా లీనా పోస్టర్‌ను తొలగించింది. 
 
"జానపద రంగస్థల కళాకారులు తమ ప్రదర్శనలను ఎలా పోస్ట్ చేస్తారో బిజెపి పేరోల్డ్ ట్రోల్ ఆర్మీకి తెలియదు. ఇది నా సినిమా నుంచి వచ్చినది కాదు. ఈ సంఘ్ పరివార్లు తమ అలుపెరగని ద్వేషం మరియు మతపరమైన మతోన్మాదంతో నాశనం చేయాలని కోరుకునే రోజువారీ గ్రామీణ భారతదేశం నుండి ఇది. హిందుత్వ ఎప్పటికీ భారతదేశం కాజాలదు." అంటూ ఆమె పేర్కొన్నారు.

అన్నీ చూడండి

AR Rehman: ప్రభుదేవా, ఏ.ఆర్. రెహమాన్‌ నటించిన మూన్ వాక్ క్రిస్మస్ విడుదలకు సిద్ధం

ది సెస్సో ట్రైలర్ ఆకట్టుకుంది సినిమా కూడా వుంటుంది :ఆకాష్ జగన్నాథ్

Engagement Teja Sajja : తాజ్ కృష్ణా హోటల్‌లో మౌర్య, తేజ సజ్జా ఎంగేజ్‌మెంట్ వేడుక

Ali: మన డాక్టర్ బాబే ప్రీమియర్లుకు ఆదరణ, థియేటర్లలోనూ విజయం దక్కుతుంది : అలీ, రాజ్ తరుణ్

Keerthy Suresh: సత్యవాన్ సావిత్రి కీర్తి సురేష్‌కు కలిసొస్తుందా?

తర్వాతి కథనం
Show comments