Dharma Sangrah
✕

మంత్రిపై అవినీతి మరక: గంటల్లో బర్తరఫ్ చేసిన పంజాబ్ సీఎం, ఏడ్చిన కేజ్రీవాల్

Written By ఐవీఆర్
Updated: మంగళవారం, 24 మే 2022 (18:35 IST)
పంజాబ్ ముఖ్యమంత్రి భగవంత్ మాన్ తన మంత్రిమండలిలో ఆరోగ్య శాఖామంత్రి విజయ్ సింగ్లాపై అవినీతి ఆరోపణల నేపధ్యంలో బలమైన సాక్ష్యాలు లభించిన వెంటనే అతనిని మంత్రివర్గం నుండి తొలగించారు. టెండర్లపై మంత్రి సింగ్లా ఒక శాతం కమీషన్ డిమాండ్ చేసినట్లు ఆరోపణలు వచ్చాయి. అతనిని మంత్రి పదవి నుంచి తొలగించిన వెంటనే, పంజాబ్ అవినీతి నిరోధక శాఖ అతడిని అరెస్టు చేసింది.

 
10 రోజుల క్రితమే మంత్రిపై ఫిర్యాదు అందడంతో ముఖ్యమంత్రి భగవంత్ మాన్ పూర్తి విచారణకు ఆదేశించారు. ఒక ముఖ్యమంత్రి తమ సొంత మంత్రివర్గ సహచరుడిపై ఇంత కఠిన చర్యలు తీసుకోవడం దేశ చరిత్రలో ఇది రెండోసారి. గతంలో, ఆమ్ ఆద్మీ పార్టీ కన్వీనర్- ఢిల్లీ ముఖ్యమంత్రి అరవింద్ కేజ్రీవాల్ 2015లో అవినీతి ఆరోపణలపై తన మంత్రిమండలిలో ఒకరిని తొలగించారు.

 
సింగ్లా అవినీతిపై 10 రోజుల క్రితం ఓ ప్రభుత్వ అధికారి ముఖ్యమంత్రి కార్యాలయానికి ఫిర్యాదు చేశారు. తనకు అండగా ఉంటానని, ఏ మంత్రులకు భయపడాల్సిన అవసరం లేదని ముఖ్యమంత్రి స్వయంగా అధికారికి హామీ ఇచ్చారు. ఆ తర్వాత అధికారి సహాయంతో ఆపరేషన్‌ చేయగా, మంత్రి, ఆయన సన్నిహితులు ఒక శాతం కమీషన్‌ డిమాండ్‌ చేస్తున్నట్లు స్పష్టంగా వెల్లడైంది. కాల్ రికార్డింగ్‌లు, ఇతర సాక్ష్యాలను సేకరించిన తర్వాత చర్య తీసుకున్నారు. అవినీతిని సహించేది లేదని అధికారులను హెచ్చరించారు పంజాబ్ సీఎం.

 
"ఒక శాతం అవినీతిని కూడా సహించబోము" అని మిస్టర్ మాన్ ఒక వీడియో సందేశంలో తెలిపారు. "ప్రజలు ఎన్నో ఆశలతో ఆప్ ప్రభుత్వానికి ఓట్లు వేశారని, దానికి అనుగుణంగా మనం జీవించాలని, అరవింద్ కేజ్రీవాల్ లాంటి కొడుకు, భగవంత్ మాన్ లాంటి సైనికుడు ఉన్నంత కాలం అవినీతిపై మహా యుద్ధం కొనసాగుతూనే ఉంటుందని అన్నారు. మిస్టర్ సింగ్లా తన తప్పులను ఒప్పుకున్నారని ఆయన పేర్కొన్నారు.

 
Koo App
కేజ్రీవాల్, భగవంత్ మాన్ నిర్ణయంపై ప్రశంసలు కురిపించారు. "భగవంత్ మీ గురించి గర్వపడుతున్నాను. మీ చర్య నాకు కన్నీళ్లను తెప్పించింది. ఈ రోజు మొత్తం దేశం ఆప్ పట్ల గర్వంగా ఉంది" అని ఆయన ట్వీట్ చేశారు.

అన్నీ చూడండి

రామ్ చరణ్ - సుకుమార్ కాంబినేషన్‌లో ఆర్‌సీ-17

విశ్వక్ సేన్, తరుణ్ భాస్కర్ ల సీక్వెల్ ఈ నగరానికి ఏమైంది రిపీట్ ట్రైలర్ రాబోతోంది

నువ్వు విలన్ వి ? చనిపోతావా? ఓడిపోతావా? అని నిలదీశిన యశ్ కుమారుడు

Rudravanam PS Series Review: రుద్రవనం పీఎస్ లో మర్డర్ల రహస్యం ఏమిటి? వెబ్ సిరీస్ రివ్యూ

Prakash Raj, ఇచ్చిన సినీ అడ్వాన్సులు వెనక్కి తీస్కుంటున్నారు: ప్రకాష్ రాజ్ భార్య పోనీ

తర్వాతి కథనం
Show comments