#CBNLifeAtRisk: ఐదు కేజీలు తగ్గిపోయారు.. నారా బ్రాహ్మణి
తెలుగుదేశం పార్టీ అధినేత నారా చంద్రబాబు నాయుడు ఆరోగ్యంపై ఆయన కోడలు నారా బ్రాహ్మణి ఆందోళన వ్యక్తం చేశారు. స్కిల్ డెవలప్‌మెంట్ కేసులో ఆరోపణలు ఎదుర్కొంటున్న చంద్రబాబు నాయుడు రాజమండ్రి జైలులో డీహైడ్రేషన్‌తో బాధపడుతున్న సంగతి తెలిసిందే. చంద్రబాబు ఆరోగ్యంపై ఆందోళన వ్యక్తం చేస్తూ నారా బ్రాహ్మణి ఈరోజు ట్విట్టర్‌లో ఓ పోస్ట్ పెట్టారు.
హృదయవిదారకంగా.. చంద్రబాబు గారు ప్రస్తుతం సరిపోని, అపరిశుభ్రమైన జైలు పరిస్థితులలో నిర్బంధించబడ్డారు. అది ఆయన ఆరోగ్యానికి ప్రమాదాన్ని కలిగిస్తుంది. బాబు గారి క్షేమం గురించి వైద్య నిపుణులు ఆందోళన వ్యక్తం చేసినందున తక్షణ వైద్య సహాయం అవసరం. సకాలంలో వైద్యం అందడం లేదు. ఆయన ఐదు కేజీల బరువు తగ్గారు. అదనపు బరువు తగ్గడం ఆయన మూత్రపిండాలపై ప్రతికూల ప్రభావం చూపుతుంది. మేము అతని గురించి తీవ్రంగా చింతిస్తున్నాము. #CBNLifeAtRisk,” అని బ్రాహ్మణి తన పోస్ట్‌లో పేర్కొన్నారు.
మరోవైపు నారా భువనేశ్వరి తన భర్త చంద్రబాబు నాయుడు ఆరోగ్యంపై ఆందోళన వ్యక్తం చేశారు. సకాలంలో వైద్యం అందించడంలో ప్రభుత్వం విఫలమైందని ఆమె ఆరోపించారు.
