జూబ్లీహిల్స్‌లో ఒంటరిగా వున్న మహిళ హత్య.. ఇంట్లో ఎవరూ లేని సమయంలో?
బెంగళూరులో ఓ మహిళ హత్యకు గురై.. ఆమె మృతదేహ అవశేషాలు ఫ్రిడ్జ్‌లో వున్న ఘటన సంచలనం సృష్టించిన నేపథ్యంలో జూబ్లీహిల్స్‌లో ఓ మహిళ తన ఇంట హత్య గురైంది.
వివరాల్లోకి వెళితే.. జూబ్లీహిల్స్‌లోని తన ఇంట్లో సోమవారం అర్థరాత్రి ఓ మహిళ హత్యకు గురైంది. మృతురాలిని జూబ్లీహిల్స్‌లోని నవోదయ కాలనీకి చెందిన సుధారాణి (44)గా గుర్తించారు.
మహిళ ఇంట్లో ఒంటరిగా ఉన్న సమయంలో కొందరు వ్యక్తులు ఇంట్లోకి ప్రవేశించి పదునైన ఆయుధాలతో మహిళను హత్య చేశారు. మహిళ భర్త, ఆర్‌ఎంపీ తన క్లినిక్‌లో ఉండగా, వారి ఇద్దరు పిల్లలు ట్యూషన్ క్లాసులకు వెళ్లేందుకు వెళ్లిన సమయంలో ఈ ఘటన జరిగింది.
ట్యూషన్ క్లాసుల నుంచి వచ్చిన పిల్లలు రక్తపు మడుగులో పడి ఉన్న తల్లిని గమనించి ఇరుగుపొరుగు వారికి సమాచారం అందించారు. అప్రమత్తమైన పోలీసులు సంఘటనా స్థలానికి చేరుకుని విచారణ ప్రారంభించారు. ఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు జరుపుతున్నారు.
