నా ప్రియుడు లేని జీవితం నాకొద్దు... సెల్ఫీ తీసుకుని యువతి ఆత్మహత్య
ప్రేమించిన తరువాత ఆ ప్రేమ విఫలమైతే చాలామంది క్షణికావేశాలకు లోనై చనిపోతున్నారు. ఎంతగానో నమ్మి ఒక వ్యక్తిని ప్రేమిస్తే అతను తనను ప్రేమిస్తూ మరో అమ్మాయిని ప్రేమించడాన్ని జీర్ణించుకోలేక పోయింది ఓ యువతి. సెల్ఫీ వీడియో తీసుకుని మరీ ఆత్మహత్య చేసుకుంది.
వైజాగ్ సిటీలో నివాసముంటున్న ఉమా మహేశ్వరి అనే యువతి స్థానికంగా ఉన్న ప్రైవేట్ కంపెనీలో పనిచేస్తోంది. తనతో పాటు పనిచేస్తున్న జాజిబాబు అనే వ్యక్తిని ప్రేమించింది. ఆరు నెలల నుంచి వీరి ప్రేమాయణం సాగుతోంది. అయితే వారం రోజుల నుంచి జాజిబాబు మరో యువతి వసుంధరతో సన్నిహితంగా ఉంటూ కనిపించాడు. ఇది కాస్త ఉమ చూసేసింది. జాజిబాబును నిలదీసింది.
అయితే పెద్దలు ఇద్దరికీ నచ్చజెప్పారు. వారంరోజులు ఉమను తమ బంధువుల ఇంటికి పంపారు తల్లిదండ్రులు. నిన్న బంధువుల ఇంట్లో ఉన్న ఉమ తన ప్రియుడి లేని జీవితం తనకు అవసరం లేదని, తను గాఢంగా జాజిబాబును ప్రేమించానని, అయితే తనను అతను మోసం చేశాడని ఆవేదన వ్యక్తం చేసింది. జాజిబాబు, వసుంధరలను అరెస్ట్ చేసి శిక్షించాలని చెప్పింది ఉమ.
సెల్ ఫోన్లో తన బాధను చెబుతూ సెల్ఫీ వీడియో తీసుకుని సుసైడ్ చేసుకుంది. పోలీసులు సెల్ ఫోన్‌ను స్వాధీనం చేసుకుని దర్యాప్తు చేస్తున్నారు.
