పబ్‌లో బిగ్‌బాస్-2 ఫేంతో మాజీ ఎమ్మెల్యే కొడుకు గలీజు పనులు

sanjana
ఠాగూర్| Last Updated: ఆదివారం, 1 డిశెంబరు 2019 (12:01 IST)
హైదరాబాద్ నగరంలోని ఓ పబ్‌లో ఓ మాజీ ఎమ్మెల్యే కుమారుడు ఓ నటి పట్ల అసభ్యంగా ప్రవర్తించాడు. పీకల్లోతు వరకు తాగడంతో నలుగురున్నారనే విచక్షణ మరిచిపోయి గలీజు పనులకు పాల్పడ్డాడు. దీంతో బాధితురాలు పోలీసులకు ఫిర్యాదు చేయడంతో కేసు నమోదు చేశారు.

ఈ వివరాలను పరిశీలిస్తే, మాదాపూర్‌లోని ఓ పబ్‌లో పటాన్‌చేరు మాజీ ఎమ్మెల్యే నందీశ్వర్‌ గౌడ్‌ కొడుకు అశీష్‌గౌడ్‌ హల్‌చల్‌ చేశాడు. పీకల్లోతు మద్యం మత్తులో మునిగి తేలిన ఆయన.. పబ్‌లోని యువతులతో అసభ్యంగా ప్రవర్తించాడు.

ఇదేంటి అని ప్రశ్నించిన యువతులపై కూడా దాడికి దిగాడు. దీంతో పలువురు అశీష్ గౌడ్‌ బాధితులు మాదాపూర్ పీఎస్‌లో ఫిర్యాదు చేశారు. ఈ ఘటన హైటెక్స్‌లోని నోవాటెల్ హోటల్ ఉన్న పబ్‌లో శనివారం అర్థరాత్రి జరిగింది.

అతనిపై ఫిర్యాదు చేసినవారిలో తెలుగు రియాల్టీ షో బిగ్‌బాస్-2 ఫేం సంజనా కూడా ఉంది. మ్యూజిక్ ప్రోగ్రామ్‌లో తన చేయి తాకుతూ అశీష్ అసభ్యంగా ప్రవర్తిస్తూ.. అభ్యంతరకరమైన పదజాలం ఉపయోగించాడని ఫిర్యాదులో పేర్కొంది. తన ఫ్రెండ్స్‌తో కలిసి వచ్చి నోటికొచ్చిన బూతులు మాట్లాడారని చెప్పుకొచ్చింది. ఫిర్యాదు ఆధారంగా కేసు నమోదుచేసిన పోలీసులు దర్యాప్తు చేపట్టారు.



దీనిపై మరింత చదవండి :