శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By
Last Updated : బుధవారం, 5 జూన్ 2019 (11:51 IST)

ప్రియురాలిపై ప్రియుడు లైంగికదాడి... సహకరించిన తల్లి

హైదరాబాద్ నగరంలో ఓ దారుణం జరిగింది. ఓ యువతిపై తన కుమారుడితో తల్లి అత్యాచారం చేయించింది. ఈ లైంగిక దాడికి పాల్పడింది కూడా ఆ యువతి ప్రియుడే. యువతిని అత్యాచారం చేస్తుంటే అతని తల్లి ఇంట్లో ఉండికూడా నోరుమెదపకుండా ఉండిపోయింది. 
 
తాజాగా వెలుగులోకి వచ్చిన ఈ వివరాలను పరిశీలిస్తే, హైదరాబాద్, మల్లాపూర్‌కు సమీపంలోని కాప్రాకు చెందిన 18 యేళ్ల యువతి అదే ప్రాంతంలో ఉన్న ఓ ప్రైవేటు కాలేజీలో రిసెప్షనిస్టుగా పని చేస్తుంది. ఈ యువతికి నాచారంకు చెందిన మజీద్ అనే యువకుడితో పరిచయం ఏర్పడింది. ఈ పరిచయం కాస్త ప్రేమగా మారింది. ఆ తర్వాత వారిద్దరూ మరింతగా దగ్గరయ్యారు. దీంతో ఆ యువకుడు ప్రియురాలిని తన ఇంటికి తీసుకెళ్లి శారీరక సుఖం పొందుతూ వచ్చారు. ఆ సమయంలో వీడియోలు, ఫోటోలు కూడా తీసి తన వద్ద ఉంచుకున్నాడు. 
 
నెలలు గడుస్తున్నప్పటికీ పెళ్లిమాటెత్తకుండా శారీరకంగానే కలుసుకుంటూ వచ్చారు. దీంతో తనను పెళ్లి చేసుకోవాలని ఆ యువతి మజీద్‌ను నిలదీసింది. దీంతో పెళ్లి మాటెత్తితే తనవద్ద ఉన్న వీడియోలు, ఫోటోలు ఇంటర్నెట్‌లో అప్‌లోడ్ చేస్తానని హెచ్చరించాడు. 
 
అయితే, ఆ యువతి పోలీసులకు ఫిర్యాదు చేస్తానని హెచ్చరించడంతో మాట్లాడుకుందామని తన ఇంటికి తీసుకెళ్లాడు. ఆ సమయంలో అతని తల్లి కూడా ఇంట్లోనే ఉన్నది. అయినప్పటికీ ఆ యువతిపై మజీద్ లైంగికదాడికి చేసి ఆమె వద్ద ఉన్న బంగారం నగలు, డబ్బు తీసుకుని బయటకు గెంటేశాడు. దీంతో బాధిత యువతి నేరుగా స్టేషన్‌కు వెళ్లి పోలీసులకు ఫిర్యాదు చేయడంతో కేసు నమోదు చేసి ఆ కామాంధుడుని అరెస్టు చేశారు.