Dharma Sangrah
✕

నేను రాజీనామా చేయలేదు: టీడీపీకి ఎమ్మెల్యే మద్దాల గిరి

Written By ఎం
Updated: గురువారం, 2 జనవరి 2020 (19:39 IST)
టీడీపీ ఎమ్మెల్యే మద్దాల గిరి వ్యాఖ్యలు హాట్ టాపిక్ అయ్యాయి. ఆయన వ్యవహారం రోజురోజుకూ ముదురుతోంది. ఇప్పటికే సీఎం వైఎస్ జగన్ మోహన్‌రెడ్డిపై ప్రశంసల వర్షం కురిపించి హాట్ టాపిక్ అయిన ఆయన.. తాజాగా టీడీపీపై విమర్శలు, ప్రశ్నల వర్షం కురిపించడం చర్చనీయాంశమైంది.

‘నాలుగైదు నెలలుగా టీడీపీలో అనేక మార్పులు చేయాలని అధిష్టానానికి చెబుతున్నా పట్టించుకోలేదు. ఇప్పటికైనా ఆత్మపరిశీలన చేసుకోవాలి. ఇదే వైఖరి కొనసాగితే పార్టీ వీడటానికి నా లాంటి వాళ్లు ఎంతో మంది ఉన్నారు. అమరావతికి వ్యతిరేకంగా నలుగురు ఎమ్మెల్యేలు మాట్లాడితే వారిపై చర్యలు ఎందుకు తీసుకోలేదు..?’ అని టీడీపీ పెద్దలకు ఆ పార్టీ ఎమ్మెల్యే మద్దాల గిరి సూటి ప్రశ్న సంధించారు.

కాగా.. మద్దాల వ్యాఖ్యలు టీడీపీలో హాట్ టాపిక్ అయ్యాయి. సీఎం వైఎస్ జగన్‌ను కలిసిన వ్యవహారంపై ఎమ్మెల్యే స్పందిస్తూ.. తాను గుంటూరులో యూజీడీ పనుల నిధులు విడుదల చేయాలని సీఎంని కలిశానన్నారు. తనతో వివరణ తీసుకోకుండానే నియోజకవర్గ ఇంఛార్జ్ నియమించడం బాధాకరమన్నారు. టీడీపీ అధినేత చంద్రబాబుకు తాను బహిరంగ లేఖ రాస్తున్నానన్నారు.

‘టీడీపీ ఒక సామాజిక వర్గానికే పెద్ద పీట వేసింది. గుంటూరు జిల్లాలో ఒకే సామాజిక వర్గానికి చెందిన తొమ్మిది మందికి టికెట్లు ఇచ్చారు. నా కోసం సీఎంని కలవలేదు. ప్రజా సమస్యల పరిష్కారం కోసమే వెళ్ళాను.

నేను టీడీపీకి రాజీనామా చేయలేదు. గన్నవరం వంశీ నియోజకవర్గంలో ఎందుకు ఇంఛార్జ్ నియమించలేదు..?. బాపట్ల, సత్తెనపల్లిలో కూడా ఇంఛార్జ్‌లు నియమించలేదు’ అని అధిష్టానంపై టీడీపీ ఎమ్మెల్యే ప్రశ్నల వర్షం కురిపించారు.

అన్నీ చూడండి

Sekar Master Car Accident : చిరంజీవితో కాకా ఐటం సాంగ్ చిత్రీకరణ జర్నీలో శేఖర్ మాస్టర్‌కు కారు ప్రమాదం జరిగింది ?

Sree Vishnu : కొత్తదనంతో కూడిన వినోదంతో చంద్రయాన్ ఆకట్టుకుంటుంది : హీరో శ్రీవిష్ణు

Allari Naresh :నేర ప్రవృత్తి, మనిషిలోని విభిన్న కోణాలు నేపథ్యంగా అల్లరి నరేష్ ఆల్కహాల్ సిద్ధమైంది

Trivikram Srinivas : త్రివిక్రమ్ మార్పు డివివి దానయ్య బేనర్ లో ఎన్.టి.ఆర్. సినిమా వరకేనా?

కావ్య మారన్‌తో అనిరుధ్ రవిచంద్రన్ వివాహం.. జీవితంలో ఒక్కసారి మాత్రమే.. 11.11... (video)

తర్వాతి కథనం
Show comments