శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By వాసుదేవన్
Last Updated : శుక్రవారం, 22 మార్చి 2019 (12:04 IST)

ఇదేనా నీ దిక్కుమాలిన అనుభవం? బాబుపై కన్నా ఫైర్

ఆంధ్రప్రదేశ్ భాజపా అధ్యక్షుడు కన్నా లక్ష్మీ నారాయణ ట్విట్టర్ వేదికగా... చంద్రబాబు నాయుడుపై విరుచుకుపడ్డారు. వివరాలలోకి వెళ్తే... తిరుపతిలో విద్యార్థుల సంక్షేమం కోసం పోరాడుతూ మోహన్ బాబు తలపెట్టిన ర్యాలీని అడ్డుకొని... ఆయన్ని హౌస్ అరెస్ట్ చేయడంపై మండిపడ్డారు. 


తనకు 40 సంవత్సరాల రాజకీయ అనుభవం ఉందని చెప్పుకునే చంద్రబాబు సిగ్గుపడాలని వ్యాఖ్యానించారు. "ప్రజాస్వామ్య విలువలు లేని నువ్వు 40 సంవత్సరాల సీనియర్ అని చెప్పుకోడానికి సిగ్గుపడాలి. 
 
సినీనటుడు మోహన్ బాబు గారు విద్యార్థుల సంక్షేమం కోసం చేస్తున్న పోరాటానికి బీజేపీ పూర్తి మద్దతు తెలియచేస్తోంది. విద్యార్థుల కోసం పోరాడితే హౌస్ అరెస్ట్ చేస్తావా? ఇదేనా నీ దిక్కుమాలిన అనుభవం?" అంటూ ఘాటుగానే ప్రశ్నించారు. మరి సమాధానం ఎలా వస్తుందో వేచి చూడాల్సిందే...?