గురువారం, 9 ఫిబ్రవరి 2023
  1. వార్తలు
  2. తెలుగు వార్తలు
  3. తెలుగు వార్తలు
Written By సెల్వి
Last Updated: గురువారం, 15 సెప్టెంబరు 2022 (11:45 IST)

తెలంగాణ, ఏపీల్లో 5 రోజుల్లో భారీ వర్షాలు..

Rains
తెలుగు రాష్ట్రాల్లో ఐదు రోజుల పాటు భారీ వర్షాలు కురువనున్నాయి. ప‌శ్చిమ‌, నైరుతి వాయుగుండం ప్ర‌భావంతో రానున్న నాలుగైదు రోజుల పాటు తెలంగాణ రాష్ట్రంలోని ప‌లు ప్రాంతాల్లో తేలిక‌పాటి నుంచి మోస్త‌రు వ‌ర్షాలు కురుస్తాయ‌ని భార‌త వాతావ‌ర‌ణ శాఖ‌(ఐఎండీ) అంచ‌నా వేసింది. హైద‌రాబాద్‌తో పాటు ప‌రిస‌ర ప్రాంతాల్లో వ‌ర్షాలు కురిసే అవ‌కాశం ఉంద‌ని చెప్పింది. 
 
ఈ అంచనాకు భౌగోళిక దృగ్విషయం ప్ర‌ధాన కార‌ణం అని హైదరాబాద్‌లోని వాతావరణ కేంద్రం డైరెక్టర్ డాక్టర్ నాగరత్న తెలిపారు. తెలంగాణ రాష్ట్రంపై పశ్చిమ, నైరుతి వాయుగుండం ఎక్కువ‌గా ఉంది. దీని ప్రభావంతో తెలంగాణలో రానున్న నాలుగైదు రోజుల పాటు ఒకటి లేదా రెండు చోట్ల తేలికపాటి నుండి మోస్తరు వర్షాలు కురిసే అవకాశం ఉందని ఆయన చెప్పారు.