భారతదేశంలోని ప్రముఖ ధూపద్రవ్య బ్రాండ్ అయిన ఐటీసీ మంగళ్దీప్, సువాసన అభివృద్ధి ప్రక్రియలో దృష్టి లోపం కలిగిన వ్యక్తులను సైతం భాగస్వాములుగా చేయడానికి ఒక ప్రత్యేకమైన కార్యక్రమం అయిన సిక్స్త్ సెన్స్ ప్యానెల్‌ను బలోపేతం చేసింది. మంగళ్దీప్ సిక్స్త్ సెన్స్ ప్యానెల్‌ను 180 మంది సభ్యులకు ఇప్పుడు విస్తరించారు, విభిన్న మరియు విశిష్ట విద్యా, వృత్తిపరమైన నేపథ్యాల నుండి వీరు ఉన్నారు. దృష్టి లోపం ఉన్నవారికి అధికంగా వాసనలను పసిగట్టే జ్ఞానం ఉంటుందని వైద్యపరంగా నిరూపించబడినది. సువాసన పరీక్షా రంగంలో ఉపాధిని కోరుకునే దృష్టి లోపం కలిగిన వ్యక్తులకు ఈ కార్యక్రమం ద్వారాలను తెరిచింది.
ఐటీసీ మంగళ్దీప్ ఇటీవల దాని సిక్స్త్ సెన్స్ ప్యానెల్ కార్యక్రమం కింద ప్రత్యేక సువాసన శిక్షణా కార్యక్రమాన్ని విజయవంతంగా పూర్తి చేసిన 30 మంది దృష్టి లోపం ఉన్న వ్యక్తులను సత్కరించింది. 2021లో ప్రవేశపెట్టబడిన సిక్స్త్ సెన్స్ ప్యానెల్ క్రమంగా విస్తరించబడింది, చెన్నై, కోల్‌కతా, ముంబై, ఢిల్లీ, హైదరాబాద్‌లలో 180 మందికి పైగా సభ్యులకు శిక్షణ ఇవ్వబడింది. అప్పటి నుండి ఈ ప్యానెల్ ఉత్పత్తి ఆవిష్కరణలో కీలక పాత్ర పోషించింది, శాండల్, రోజ్, లావెండర్, మ్యారిగోల్డ్ వంటి అనేక ప్రత్యేకమైన, ఉన్నతమైన సువాసన వేరియంట్‌లను మంగళ్దీప్ విడుదల చేయటంలో తోడ్పాటు అందించారు.
విస్తరించిన సిక్స్త్ సెన్స్ ప్యానెల్ ఈ ప్రయాణంలో ఒక కొత్త అధ్యాయాన్ని సూచిస్తుంది. జూన్‌లో రెండు శిక్షణా కార్యక్రమాల ద్వారా నిర్వహించబడిన ఈ కార్యక్రమం సువాసన మూల్యాంకన నైపుణ్యాలను పదును పెట్టడం, ఘ్రాణ ఉచ్చారణను లోతుగా చేయడంపై దృష్టి పెట్టింది. ఈ కార్యక్రమాలలో పాల్గొన్న వారిలో చాలామంది ప్రస్తుతం ఉద్యోగం చేస్తున్నారు, ఉన్నత విద్యలో నిమగ్నమై ఉన్నారు లేదా సామాజిక రంగ సంస్థలతో సంబంధం కలిగి ఉన్నారు.
ఈ కార్యక్రమం గురించి ఐటిసి లిమిటెడ్‌లోని అగర్బత్తి & మ్యాచ్‌ల వ్యాపారం డివిజనల్ చీఫ్ ఎగ్జిక్యూటివ్ శ్రీ గౌరవ్ తాయల్ మాట్లాడుతూ, “సిక్స్త్ సెన్స్ ప్యానెల్ 4 సంవత్సరాల క్రితం ప్రారంభమైంది. ఇప్పుడు మంగళ్దీప్ వద్ద ఎంపిక చేసిన సువాసన సమర్పణలను మేము ఎలా అభివృద్ధి చేస్తాము మరియు మెరుగుపరుస్తాము అనే దానిలో అంతర్భాగంగా రూపాంతరం చెందింది. సహజంగా అధికమైన ఘ్రాణ ఇంద్రియ జ్ఞానం ఉన్న వ్యక్తులతో కలిసి పనిచేయటం వల్ల సాంప్రదాయ పరీక్షా పద్ధతులకు మించి విలువైన దృక్పథాలు మాకు లభిస్తున్నాయి. రాబోయే రోజుల్లో దృష్టి లోపం ఉన్న సమాజంతో మరింత అర్థవంతమైన, ఆకర్షణీయమైన భాగస్వామ్యాన్ని చేసుకోవాలని మంగళ్దీప్ వద్ద మేము ఎదురుచూస్తున్నాము” అని అన్నారు.
ఐటీసీ మంగళ్దీప్ యొక్క అంతర్గత సువాసన నిపుణులు నిర్వహించిన శిక్షణా కార్యక్రమంలో భాగంగా ఈ దిగువ అంశాలు ఉన్నాయి:
ముడి పదార్థాలు, మిశ్రమ అనుభవాల ద్వారా ఫ్రూటీ, ఫ్లోరల్, వుడీ, హెర్బల్/మింట్ మరియు ఔధ్/అంబర్ వంటి ప్రధాన సువాసన కుటుంబాలను ఉపయోగించి ఘ్రాణ శిక్షణ.
ధూప్ స్టిక్స్, ఫ్లోరా అగర్బత్తిస్, ప్రీమియం కప్పులు, సాంబ్రాణి స్టిక్స్ వంటి మంగళ్దీప్ యొక్క కీలక ఉత్పత్తులతో ఆచరణాత్మక పరిచయం, టచ్ మరియు సువాసన ద్వారా సులభతరం చేయబడింది.
ప్యానెల్ సభ్యులు నెలవారీ సువాసన పరీక్షలలో పాల్గొనడానికి, వివరణాత్మక అభిప్రాయాన్ని అందించడానికి వీలుగా నిర్మాణాత్మక ఉత్పత్తి మూల్యాంకన ప్రోటోకాల్‌లు.
"ఐటిసి యొక్క సిక్స్త్ సెన్స్ ప్యానెల్‌లో భాగం కావడం నిజంగా సాధికారత కల్పించే అనుభవం. ఇది కేవలం సువాసన మూల్యాంకనం కంటే ఎక్కువ; ఇది గర్వం, ఉద్దేశ్యం మరియు చేరిక గురించి. దృష్టి లోపం ఉన్న సమాజానికి అర్థవంతమైన స్వరాన్ని అందించే ప్రాజెక్ట్‌కు సహకరించడం నాకు గౌరవంగా ఉంది" అని మాజీ బ్లైండ్ క్రికెట్ ప్రపంచ కప్ విజేత & మహనవ్ ఎబిలిటీ ట్రస్ట్ వ్యవస్థాపకురాలు శ్రీమతి మహేందర్ వైష్ణ అన్నారు.
శిక్షణ విజయవంతంగా పూర్తయిన సందర్భంగా, రేడియో ఉడాన్ సహ వ్యవస్థాపకురాలు శ్రీమతి మినల్ సింఘ్వి మాట్లాడుతూ, "ఈ సుసంపన్నమైన శిక్షణ అనుభవానికి నేను ఐటీసీకి నిజంగా ధన్యవాదములు చెబుతున్నాను. నా దృష్టిని కోల్పోయే ముందు నేను ఒకసారి అనుభవించిన ఆనందం మరియు సృజనాత్మకతను ఇది తిరిగి రగిలించింది. డిజైన్ పట్ల మక్కువ ఉన్న వ్యక్తిగా, ఈ అవకాశం నా విశ్వాసాన్ని తిరిగి కనుగొనడంలో, నేను విలువైనదిగా మరియు ప్రశంసించబడినట్లు భావించే కార్పొరేట్ వాతావరణంలో భాగం కావాలనే దీర్ఘకాల కలను నెరవేర్చుకోవడంలో నాకు సహాయపడింది" అని అన్నారు.
