అమెరికాలో అదృశ్యమైన తెలంగాణ విద్యార్థి.. వారం రోజులుగా..?

అమెరికాలోని యూనివర్శిటీలో మాస్టర్స్‌ చదువుతున్న తెలంగాణకు చెందిన ఓ విద్యార్థి చికాగోలో వారం రోజులుగా అదృశ్యమైనట్లు అతని కుటుంబ సభ్యులు తెలిపారు. చికాగోలోని కాన్సులేట్ జనరల్ ఆఫ్ ఇండియా ఎక్స్ పోస్ట్‌లో, రూపేష్ చంద్ర అనే వ్యక్తి మే 2 నుండి అజ్ఞాతంలో ఉన్నారని తెలిసింది. పోలీసులు.. భారతీయ ప్రవాసులతో సంప్రదింపులు జరుపుతున్నట్లు పేర్కొంది.

రూపేష్ చంద్ర డిసెంబర్ 2023లో అమెరికా వెళ్లి విస్కాన్సిన్ సిటీలోని కాంకోర్డియా విశ్వవిద్యాలయం నుండి మాస్టర్స్ డిగ్రీని అభ్యసిస్తున్నాడు. చికాగో పోలీసులు కూడా విద్యార్థి గురించి ఒక ప్రకటన విడుదల చేశారు. అతని గురించి ఏదైనా సమాచారం అందించాలని నివాసితులను కోరారు. రూపేష్ చంద్ర వరంగల్ జిల్లాకు చెందిన ఆయన ఆచూకీ తెలియక కుటుంబీకులు ఆందోళన చెందుతున్నారు.

అతడిని కనిపెట్టేందుకు సహాయం చేయాల్సిందిగా విదేశాంగ మంత్రిత్వ శాఖను, అమెరికాలోని భారత రాయబార కార్యాలయాన్ని అభ్యర్థించింది. తన తండ్రి సదానందం తనతో చివరిసారిగా మే 2న వాట్సాప్ కాల్ ద్వారా మాట్లాడానని, తాను ఏదో పనిలో బిజీగా ఉన్నానని రూపేష్ తనకు చెప్పినట్లు కుటుంబీకులు తెలిపారు.

సదానందం కేంద్ర మంత్రి జి. కిషన్‌రెడ్డిని సంప్రదించగా, అదృశ్యమైన విద్యార్థిని ఆచూకీ కోసం సహకరించాలని కోరుతూ విదేశాంగ శాఖ మంత్రి ఎస్‌.జైశంకర్‌కు రూపేష్ కుటుంబీకులు లేఖ రాశారు.