టిక్ టాక్ మాదిరిగానే.. పాప్-ఇన్ యాప్‌కు నెటిజన్లు ఫిదా
చైనా యాప్‌లు నిషేధానికి గురైన నేపథ్యంలో భారత యాప్‌లకు డిమాండ్ పెరిగింది. టిక్‌టాక్‌ రద్దవడంతో నెటిజన్లు అయోమయంలో పడ్డారు. టిక్‌టాక్‌కు ప్రత్యామ్నాయంగా ఉండే వేరే యాప్‌ల కోసం జల్లెడ వేసి వెతుకున్నారు. ఇందులో భాగంగా అచ్చం టిక్‌టాక్‌ను మాదిరిగానే ఐ మీడియా అండ్‌ బ్రాడ్ కాస్టింగ్ కంపెనీ పూర్తి స్వదేశీ యాప్ ''పాప్-ఇన్"ను రూపొందిస్తోంది.
అధునాతన స్వదేశీ పరిజ్ఞానంతో, వినూత్నమైన ఎన్నో ఫీచర్స్‌తో తయారవుతోంది. అత్యంత సులభతరంగా ప్రతి ఒక్కరు ఉపయోగించుకునేలా పాప్-ఇన్‌‌ను రూపొందిస్తున్నామని ఆ యాప్ నిర్వాహకులు చెప్తున్నారు.
పాప్-ఇన్ పూర్తి స్వదేశీ యాప్ అని, ఇది ప్రపంచానికి మనదేశ సత్తాచాటుందని ధీమా వ్యక్తం చేశారు. దేశ భవిష్యత్తు స్వదేశీ యాప్‌లపైనే ఆధారపడివుందని, యావత్ ప్రపంచం మన దేశ యాప్‌లను వినియోగించుకునేందుకు ఇష్టపడతారని ఆ యాప్ కంపెనీ ప్రతినిధి ఫణి రాఘవ తెలిపారు.
