సినిమా ఛాన్స్ పేరుతో యువతిపై అత్యాచారం... స్నేహితులకు కూడా పడకసుఖం
సినిమా అవకాశాల పేరుతో ఓ యువతి మోసపోయింది. వెండితెరపై తనను తాను చూసుకోవాలన్న కోరికను ఆసరాగా తీసుకున్న ఓ కామాంధుడు... ఆ యువతితో శారీరక వాంఛ తీర్చుకున్నాడు. ఆ తర్వాత అయినా సినీ అవకాశం ఇప్పించాడా అంటే అదీలేదు. పైగా, తన స్నేహితులకు కూడా ఆ యువతితో పడక సుఖం ఇప్పించాడు. ఈ దారుణం చెన్నైలో జరిగింది.
ఈ వివరాలను పరిశీలిస్తే, తమిళనాడు రాష్ట్రంలోని ఈరోడ్‌ జిల్లాకు చెందిన ఓ యువతి(24) చెన్నై సాలిగ్రామంలోని ఓ అపార్ట్‌మెంట్‌లో ఉంటూ మూడేళ్లుగా సినిమా అవకాశాల కోసం ముమ్మరంగా ప్రయత్నాలు చేస్తూ వస్తోంది. ఈమెకు అడయార్‌కు చెందిన గణేష్‌ అనే వ్యక్తితో పరిచయం ఏర్పడింది.
ఆ యువతికి ఉన్న సినిమా బలహీనతనకు తనకు అనుకూలంగా మార్చుకున్నాడు. తనకు అనేక మంది సినీ దర్శకులు తెలుసని, త్వరలో హీరోయిన్‌గా అవకాశం ఇప్పిస్తానని నమ్మించి లైంగిక వాంఛ తీర్చుకున్నాడు. అతని స్నేహితులకు సైతం ఆ యువతితో పడక సుఖం ఇప్పించాడు.
రోజులు గడిచిపోతున్నప్పటికి సినీ అవకాశం మాత్రం ఇప్పించలేదు. దీంతో తాను మోసపోయానని గ్రహించిన ఆ యువతి... తనపై లైంగికదాడికి పాల్పడిన వ్యక్తులపై చర్యలు తీసుకోవాలంటూ పోలీసు స్టేషన్‌లో ఫిర్యాదు చేసింది. ఈ క్రమంలో సోమవారం సాయంత్రం విచారణ కోసం పోలీసు స్టేషన్‌ రావాల్సిందిగా యువతిని మహిళా పోలీసులు కోరారు. దీంతో యువతి తన స్నేహితుడితో కారులో వెళ్లింది.
వడపళని సమీపంలో వెళుతుండగా యువతి హఠాత్తుగా స్పృహ తప్పింది. వెంటనే ఆమెను స్థానిక ఆస్పత్రిలో చేర్చారు. ఆమె మోతాదుకు మించి నిద్రమాత్రలు మింగినట్లు తెలిసింది. ఆమెకు తీవ్ర చికిత్స అందిస్తున్నారు. తన మృతికి గణేష్‌ కారణమని తెలుపుతూ బ్యాగులో లేఖ దొరికింది. ఈ ఆత్మహత్యాయత్న విరుగంబాక్కం పోలీసులు విచారణ జరుపుతున్నారు.
