'స్పా' పేరుతో అమ్మాయిలతో వ్యభిచారం.. రేటు కార్డులు కూడా...

ఢిల్లీలో ఓ స్పా సెంటరులో అమ్మాయిల పేరుతో వ్యభిచారం చేస్తున్న వ్యవహారాన్ని పోలీసులు వెలుగులోకి తెచ్చారు. ఈ స్పా సెంటరుకు వచ్చే విటులకు ముందుగా అందమైన అమ్మాయిల ఫోటోలతో పాటు రేటు కార్డులు అందజేస్తారు. తమ ఆర్థిక స్థోమతకు తగిన విధంగా అమ్మాయిలను ఎంచుకునే వెసులుబాటును కల్పిస్తారు. 

ఢిల్లీలోని స్పాలలో నిర్వహిస్తున్న వ్యభిచార రాకెట్లపై ఢిల్లీ మహిళా కమిషన్‌కు ఇటీవల పలు ఫిర్యాదులు అందాయి. దీంతో రంగంలోని దిగిన ఢిల్లీ మహిళా కమిషన్... జస్ట్ డయల్‌పై దర్యాప్తు చేయడానికి ఒక దర్యాప్తు బృందాన్ని ఏర్పాటు చేసింది. దక్షిణ ఢిల్లీలో ఉన్న స్పాల వివరాలను అందించాలని కమిషన్ బృందం కోరింది. 24 గంటల్లో కొన్ని స్పాల బాగోతాలపై మహిళా కమిషన్‌కు 15 కాల్స్, 32 వాట్సాప్ మెసేజ్‌లు వచ్చాయి. 

ఈ స్పాలలో 150 కంటే ఎక్కువ మంది యువతుల చిత్రాలతో పాటు వారి సేవల రేట్లు ఇచ్చారు. ఒక ఫోన్ నంబర్ నుంచి ఒక సందేశం వచ్చింది, అందులో స్పా ద్వారా ఒక యువతి చిత్రాన్ని పంపారు. దాని తర్వాత అసభ్యకరమైన సందేశాలు వచ్చాయి. మరో ఫోన్ నంబర్ నుంచి వచ్చిన మరో సందేశంలో 14 మంది యువతుల ఫొటోలు ఇచ్చారు. 

కమిషన్ బృందం స్పా సేవల వివరాలను అందించాలని అభ్యర్థించగా, అమ్మాయి కోసం అభ్యర్థనగా భావించి స్పాల మాటున సాగిస్తున్న అక్రమ వ్యభిచార కార్యకలాపాలకు సంబంధించిన వివరాలను వెంటనే అందించారు. దీంతో స్పాల మాటున వ్యభిచారం సాగిస్తున్న వారిపై కఠిన చర్యలు తీసుకోవాలని, వెంటనే వాటిపై కేసులు నమోదు చేయాలని ఢిల్లీ పోలీసు క్రైమ్ బ్రాంచ్‌ను కమిషన్ కోరింది.