గోబీ మంచూరియాపై గోవా నిషేధం.. రంగులు.. ఆ పౌడరే కారణం
గోబీ మంచూరియాపై గోవా నిషేధం విధించింది. గోబీ మంచూరియా డిష్‌ను అపరిశుభ్రంగా తయారు చేయడంతో పాటు ఈ వంటకంలో ప్రమాదకర రంగులు వాడటం ద్వారా ఈ గోబీ మంచూరియాపై గోవా యుద్ధం ప్రకటించింది.
దుస్తులు ఉతికేందుకు ఉపయోగించే పౌడర్‌ను సాస్ తయారీలో వాడటంపై గోవా సర్కారు మండిపడింది. ఫలితంగా స్థానిక సంస్థలు ఈ డిష్‌పై నిషేధం విధిస్తున్నాయి.
ఈ క్రమంలో ప్రసిద్ధ బోడ్గేశ్వర ఆలయ జాతర వద్ద గోబీ మంచూరియాను నిషేధించాలని మపుసా మున్సిపల్ కౌన్సిల్ కౌన్సిలర్ తారక్ ఆరోల్కర్ సూచించారు. గత నెలలో ఓ తీర్మానానికి ఏకగ్రీవ ఆమోదం లభించింది. గోవాలో గోపీపై గతంలోనూ కొన్ని కౌన్సిల్స్ నిషేధం విధించాయి.
శ్రీ దామోదర దేవాలయ వాస్కో సప్త జాతరలో గోబీ మంచూరియాను విక్రయించే స్టాళ్లను నియంత్రించాలని 2022లో ఫుడ్ అండ్ డ్రగ్ అడ్మినిస్ట్రేషన్ అధికారులు మోర్ముగావ్ మున్సిపల్ అధికారులకు ఆదేశాలు జారీ చేశారు.
