హమ్మయ్య.. బెంగళూరులో భారీ వర్షాలు.. నీటి ఎద్దడి అలా తగ్గింది..

బెంగళూరులో గత 48 గంటలుగా కురుస్తున్న భారీ వర్షం, పెరుగుతున్న ఉష్ణోగ్రతల నుండి నివాసితులకు ఉపశమనం కలిగించింది. భారీ వర్షాలు నీటి లభ్యత సమస్యలను కూడా తగ్గించింది. నగరంలో కొన్ని నెలలుగా నీటి ఎద్దడి నెలకొంది. 

బెంగళూరులోని కొన్ని ప్రాంతాలు, ముఖ్యంగా దాని టెక్ కారిడార్, నీటి సంక్షోభం కారణంగా తీవ్రంగా ప్రభావితమయ్యాయి. నీటి సరఫరాకు అంతరాయం లేకుండా రాష్ట్ర ప్రభుత్వం పటిష్ట చర్యలు చేపట్టింది. బెంగళూరులో సగానికి పైగా బోరుబావులు ఎండిపోయాయి. 

రాజధాని నగరం 41 ఏళ్లలో ఎన్నడూ లేనంతగా ఏప్రిల్‌లో నీటి ఎద్దడిని చవిచూసింది. కానీ, ప్రస్తుతం కురిసిన భారీ వర్షాల కారణంగా ఎండిపోయిన బోరు బావులు నిండిపోయాయి. ఫలితంగా నీటి సంక్షోభాన్ని సమర్థవంతంగా తగ్గించవచ్చని అధికారులు ఆశాభావం వ్యక్తం చేస్తున్నారు.