వాట్సాప్ గ్రూపులో పోర్న్ చిత్రాలు.. బీజేపీ ఎమ్మెల్సీ నిర్వాకం... అవాక్కైన మహిళా ఎమ్మెల్సీలు...
కర్నాటక రాష్ట్రానికి చెందిన ఓ బీజేపీ ఎమ్మెల్సీ సిగ్గుమాలిన పనికి పాల్పడ్డాడు. తన మొబైల్ ఫోన్ నుంచి వాట్సాప్ గ్రూపుకు 50 పోర్న్ చిత్రాలను పోస్ట్ చేశాడు. ఈ చిత్రాలను చూసిన వెంటనే సహచర ఎమ్మెల్యేలు, ఎమ్మ
కర్నాటక రాష్ట్రానికి చెందిన ఓ బీజేపీ ఎమ్మెల్సీ సిగ్గుమాలిన పనికి పాల్పడ్డాడు. తన మొబైల్ ఫోన్ నుంచి వాట్సాప్ గ్రూపుకు 50 పోర్న్ చిత్రాలను పోస్ట్ చేశాడు. ఈ చిత్రాలను చూసిన వెంటనే సహచర ఎమ్మెల్యేలు, ఎమ్మెల్సీలు, ఎంపీలు, ఐఏఎస్, ఐపీఎస్ అధికారులతో పాటు మీడియా జర్నలిస్టులు ఒక్కసారిగా అవాక్కయ్యారు. తాజాగా వెలుగులోకి వచ్చిన ఈ వివరాలను పరిశీలిస్తే...
కర్నాటక రాష్ట్రంలోని బెల్గావి పట్టణానికి చెందిన మహన్ తేష్ కవతగిమాత్ అనే వ్యక్తి బీజేపీ తరపున ఎమ్మెల్సీగా ఉన్నారు. ఈయన బెల్గావి మీడియా ఫోర్స్ వాట్సాప్ గ్రూప్‌లో సభ్యుడుగా ఉన్నాడు. ఈ క్రమంలో తన మొబైల్ ఫోన్ నుంచి ఆయన 50 అశ్లీల చిత్రాలను వాట్సాప్ గ్రూప్‌లో పోస్టు చేశాడు. ఈ పని తెలిసి చేశాడో.. తెలియక చేశాడో తెలియదు కానీ... ఈయనగారి నిర్వాకం రాష్ట్రవ్యాప్తంగా చర్చనీయాంశమైంది.
పైగా, ఈ గ్రూప్‌లో సీనియర్ రాజకీయనాయకులు, ఎమ్మెల్యేలు, ఎమ్మెల్సీలు, ఐపీఎస్, ఐఏఎస్ కేడర్‌కు చెందిన ప్రభుత్వ ఉన్నతాధికారులు, జర్నలిస్టులు ఉన్నారు. మహన్ తేష్.. అశ్లీల చిత్రాలతోపాటు రాజకీయ నాయకుల నిజాయితీపై పదునైన వ్యాఖ్యలతో వాట్సాప్‌లో ఓ సందేశం పెట్టిన వెంటనే అది వైరల్‌గా మారింది. పైగా, ఎలక్ట్రానిక్ మీడియా సంస్థలు ఎమ్మెల్సీ చేసిన పనిపై ఓ ప్రత్యేక కథనాన్ని కూడా ప్రసారం చేశాయి.
తాను చేసిన తప్పుడు పనికి సమాధానం ఇచ్చుకోలేని ఎమ్మెల్సీ.. తన మొబైల్ ఫోన్ స్విచాఫ్ చేసి అజ్ఞాతంలోకి వెళ్లిపోయాడు. మీడియా ఛానళ్లలో కూడా ఈ విషయం సంచలనంగా మారింది. కాగా, ఎమ్మెల్సీ అశ్లీల చిత్రాల పోస్టింగ్ వ్యవహారం కర్ణాటక రాష్ట్రంలో కలకలం రేపుతోంది.
