1. వార్తలు
  2. తెలుగు వార్తలు
  3. జాతీయ వార్తలు
  4. Karnataka Congress Working President SR Patil resigns

కర్ణాటక సంకీర్ణ సర్కారులో లుకలుకలు.. ఎస్ఆర్ పాటిల్ రాజీనామా

కర్ణాటక సంకీర్ణ సర్కారులో అపుడే లుకలుకలు ప్రారంభమయ్యాయి. ఉప ముఖ్యమంత్రి పదవి ఆశించి భంగపడిన ఎస్ఆర్ పాటిల్ పార్టీ పదవికి రాజీనామా చేశారు. ఆయన కర్ణాటక రాష్ట్ర ప్రదేశ్ కాంగ్రెస్ వర్కింగ్ ప్రెసిడెంట్‌గా క

Karnataka
కర్ణాటక సంకీర్ణ సర్కారులో అపుడే లుకలుకలు ప్రారంభమయ్యాయి. ఉప ముఖ్యమంత్రి పదవి ఆశించి భంగపడిన ఎస్ఆర్ పాటిల్ పార్టీ పదవికి రాజీనామా చేశారు. ఆయన కర్ణాటక రాష్ట్ర ప్రదేశ్ కాంగ్రెస్ వర్కింగ్ ప్రెసిడెంట్‌గా కొనసాగుతున్నారు. 
 
లింగాయత్ కోటాలో ఉప ముఖ్యమంత్రి పదవిని ఆశించి భంగపడిన ఈయన... ఇటీవల జరిగిన ఎన్నికల్లో పార్టీ ఓటమికి నైతిక బాధ్యత వహిస్తూ పదవికి రాజీనామా చేసినట్టు ప్రకటించారు. వాస్తవానికి అసలు కారణం ఇదికాదు. 
 
జేడీఎస్‌తో పొత్తుపై తనకు మాటమాత్రమైనా చెప్పకపోవడం, లింగాయత్ కోటాలో డిప్యూటీ సీఎం పదవిని ఆశించి భంగపడటం వంటి కారణాలతో ఆయన రాజీనామా చేసినట్టు సమాచారం. గత నెల 25 న రాజీనామా లేఖను కాంగ్రెస్ చీఫ్ రాహుల్ గాంధీకి పంపించారు. రాహుల్ ప్రస్తుతం విదేశాల్లో ఉండడంతో వచ్చిన తర్వాత నిర్ణయం తీసుకునే అవకాశం ఉంది.
 
తన రాజీనామా ఆయన స్పందిస్తూ, అధిష్టానం తనపై నమ్మకం ఉంచి బాధ్యతలు అప్పగించిందని, కానీ ఎన్నికల్లో పార్టీని గెలుపు దిశగా నడిపించలేకపోయాను. పార్టీ అభ్యర్థులను విజయాలవైపు నడిపించలేకపోయిన తాను రాజీనామా చేయాలని నిర్ణయించుకున్నాను. తన రాజీనామాకు అదే కారణమని ఆయన చెప్పుకొచ్చారు. 
About Writer
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి
తర్వాతి కథనం
పేరుకు ఆర్ఎంపీ వైద్యుడు.. కోడికూర వండలేదని.. కన్నతల్లినే హతమార్చాడు..