భాజపాకు అపజయాలు స్టార్ట్... ఓడిపోయానంటూ వెళ్లిపోయిన భాజపా అభ్యర్థి
దేశంలోనూ, రాష్ట్రంలోనూ భాజపాకు ఎదురుగాలి వీస్తోందా? ఈ ఏడాదిలో జరిగే మధ్యప్రదేశ్, రాజస్థాన్ రాష్ట్రాల్లోనూ భాజపాకు ఎదురుగాలి కొడుతుందా? భాజపాకు ఇక అపజయాలు పలుకరిస్తాయా అంటే అవుననే సమాధానం వస్తోంది. తాజాగా జరిగిన ఉప ఎన్నికల్లో ప్రతిష్టాత్మక సీట్లలో భాజ
దేశంలోనూ, రాష్ట్రంలోనూ భాజపాకు ఎదురుగాలి వీస్తోందా? ఈ ఏడాదిలో జరిగే మధ్యప్రదేశ్, రాజస్థాన్ రాష్ట్రాల్లోనూ భాజపాకు ఎదురుగాలి కొడుతుందా? భాజపాకు ఇక అపజయాలు పలుకరిస్తాయా అంటే అవుననే సమాధానం వస్తోంది. తాజాగా జరిగిన ఉప ఎన్నికల్లో ప్రతిష్టాత్మక సీట్లలో భాజపా బాగా వెనకబడిపోయింది. మొత్తం నాలుగుచోట్ల ఉప ఎన్నికలు జరిగితే 2 చోట్ల భాజపా వెనకబడిపోయింది.
ఇదిలావుంటే కర్ణాటకలోని ఆర్ఆర్ నగర్‌ అసెంబ్లీ నియోజకవర్గం ఎన్నికల కౌంటింగు కాంగ్రెస్ పార్టీ అభ్యర్థి తన సమీప ప్రత్యర్థి బీజేపీకి చెందిన మునిరాజ గౌడ కంటే 30 వేల ఓట్ల ఆధిక్యంతో ముందుకు దూసుకెళ్లారు. ఏ దశలోనూ భాజపా అభ్యర్థి పోటీ ఇవ్వలేకపోయాడు. దీనితో భాజపా అభ్యర్థి తన పరాజయం పాలయ్యానంటూ కౌంటింగ్ కేంద్రం నుంచి వెళ్లిపోయారు. తన ఓటమిని అంగీకరిస్తున్నానని, ప్రజల తీర్పును గౌరవిస్తానని ఆయన వ్యాఖ్యానించారు. ఇలా భాజపాకు ఎక్కడ చూసినా ఓటములే పలుకరిస్తున్నాయి. మరి 2019 ఎన్నికల్లో పరిస్థితి ఎలా వుంటుందో చూడాలి.
