మద్యం మత్తులో ఉడుకుతున్న అంబలి డబ్రాలో పడిన వ్యక్తి (వీడియో వైరల్)
తమిళనాడు, మదురైలో దారుణం జరిగింది. మద్యం మత్తులో ఉడుకుతున్న అంబలిలో ఓ వ్యక్తి పడిపోయాడు. అంతే తీవ్రగాయాలతో ప్రాణాలు కోల్పోయాడు. మధురైలోని పలంగానట్టిలో చోటుచేసుకుంది. పలంగానట్టిలో గ్రామ దేవత ఉత్సవాల్లో ఈ విషాదం చోటుచేసుకుంది.
వివరాల్లోకి వెళితే... గ్రామ దేవత ఉత్సవాల్లో భాగంగా భక్తులకు అన్నదాన కార్యక్రమాన్ని ఏర్పాటు చేశారు. దాని కోసం వంటలు చేస్తుండగా ఆ ప్రాంతానికి మద్యం సేవించి ముత్తు కుమార్ అనే వ్యక్తి వచ్చాడు. అప్పటికే పీకల దాకా మద్యం మత్తులో మునిగి వున్నాడు. వెనుక నుంచి అంబలి డబ్రాలో పడిపోయాడు.
మత్తులో ఉన్న ఆయనకు అది అంబలి డాబ్రాలోని వేడి కూడా తగలలేదు. పూర్తిగా ఆ డబ్రా మీదికి ఒరిగేసరికి, లేవడానికి ప్రయత్నించినా వీలు కాలేదు. పక్కనే ఉన్న వంటలు చేస్తున్న వ్యక్తి పాటు చాలామంది అతడిని బయటికి తీయడానికి ప్రయత్నించారు.
ఆ వేడి కారణంగా నరకయాతన అనుభవించాడు. అతడిని బయటికి తీయడానికి కాళ్లు, చేతులు, జుట్టు పట్టుకుని లాగారు. కానీ ప్రయత్నం విఫలమైంది. చివరకు ఏమీ చేయలేక అంబలి డబ్రాను గట్టిగా నెట్టేశారు.
ఆ డబ్రా కింద పడటంతో ఆ వ్యక్తి బయటపడ్డారు. కానీ అప్పటికే చాలా గాయాలయ్యాయి. అతడిని వెంటనే ఆస్పత్రికి తరలించారు. కానీ ఆస్పత్రికి తరలిస్తుండగానే ముత్తుకుమార్ ప్రాణాలు కోల్పోయాడు. ఈ వీడియో ప్రస్తుతం సోషల్ మీడియా వైరల్ అవుతోంది. ఈ దుర్ఘటనకు సంబంధించిన వీడియోపై నెటిజన్లు పలు రకాలుగా కామెంట్స్ చేస్తున్నారు. ఈ వీడియో మీ కోసం..
