శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. జాతీయ వార్తలు
Written By ఠాగూర్
Last Updated : ఆదివారం, 3 జనవరి 2021 (17:37 IST)

శ్మశానవాటిక కాంప్లెక్స్ పైకప్పుకూలి 18 మంది మృత్యువాత

ఉత్తరప్రదేశ్ రాష్ట్రంలోని ఘాజియాబాద్‌ మురాద్‌నగర్‌లో శ్మశానవాటిక కాంప్లెక్స్‌ పైకప్పు కూలింది. ఈ ఘటనలో 18 మంది మృత్యువాతపడ్డారు. మరికొందరు శిథిలాలకింద చిక్కుకున్నారు. వీరిని స్థానికులు ప్రాణాలతో రక్షించారు. 
 
ఎన్డీఆర్‌ఎఫ్‌ సిబ్బంది, పోలీసులు హుటాహుటిన ఘటనాస్థలానికి చేరుకొని సహాయక చర్యలు చేపట్టారు. శిథిలాల కింద చిక్కుక్కున్న వారిని రక్షించి సమీప దవాఖానలకు తరలించారు. భారీ వర్షం కారణంగా భవనం పిల్లర్‌ ఒక్కసారిగా కూలడంతో పైకప్పు కుప్పకూలి ప్రమాదం జరిగింది.
 
ఈ ఘటనపై యూపీ ముఖ్యమంత్రి  యోగి ఆదిత్యనాథ్‌ దిగ్భాంతి వ్యక్తం చేశారు. శిథిలాల కింద చిక్కుక్కున్న వారిని రక్షించేందుకు అన్ని చర్యలు చేపట్టాలని ఘజియాబాద్‌ జిల్లా కలెక్టర్‌తోపాటు ఎస్పీని ఆదేశించారు. 
 
మృతుల కుటుంబాలకు అన్నివిధాలా అండగా ఉంటామని హామీ ఇచ్చారు. గాయపడిన వారికి మెరుగైన వైద్యం అందించాలని అధికారులకు సూచించారు. ప్రమాద జరిగిన సమయంలో శ్మశానవాటిక కాంప్లెక్స్‌ కింద 40 మందిపైగా ఉన్నట్లు సమాచారం.