తెలంగాణ: బ్యాగు, చెప్పులు కొనివ్వలేదని విద్యార్థిని ఉరేసుకుంది.. చివరికి?
చిన్న చిన్న కారణాలకే యువత ఆత్మహత్యలకు పాల్పడుతున్నారు. తాజాగా బ్యాగు, చెప్పులు కొనివ్వలేదని ఓ విద్యార్థిని ఆత్మహత్యాయత్నానికి పాల్పడింది. ఈ ఘటన హైదరాబాద్ అమీన్పూర్ మండల పరిధిలోని నారేగూడెం గ్రామంలోని రాజీవ్‌ గృహ కల్ప కాలనీలో చోటుచేసుకుంది.
నారేగూడెం గ్రామంలోని రాజీవ్‌ గృహ కల్ప కాలనీలో డిగ్రీ మొదటి సంవత్సరం చదువుతున్న విద్యార్థిని తల్లిదండ్రులు బ్యాగు, చెప్పులు కొనివ్వలేదని ఆత్మహత్యాయత్నానికి పాల్పడింది.
ఇటీవల కాలేజీ ప్రారంభించిన బుష్రా ఫాతిమా (18) తనకు బ్యాగ్, పాదరక్షలు కొనివ్వమని తల్లి జరీనా బేగంను అభ్యర్థించింది. తల్లి వారం రోజుల సమయం కోరడంతో బుష్రా ఇంట్లో నైలాన్ తాడుతో సీలింగ్‌కు ఉరి వేసుకుంది.
జరీనా తన భర్త జావేద్‌ను అప్రమత్తం చేయడంతో వారు ఆమెను స్థానిక ఆసుపత్రికి తరలించారు. ఆమె చనిపోయిందని వైద్యులు ప్రకటించారు. అమీన్పూర్ పోలీసులు కేసు నమోదు చేశారు.
