కార్లోకి లాగి... నోట్లో తువ్వాలు కుక్కి.. దీపావళి పండుగ రోజున దారుణం
హైదరాబాద్ నగరంలో మరో దారుణం జరిగింది. అదీ కూడా దీపావళి పండుగ రోజు రాత్రే. పొట్టకూటికోసం పనికి వెళ్ళి ఇంటికి రోడ్డుపై నడిచి వెళుతున్న ఓ యువతిని కార్లోకి లాగి.. నోట్లో తువ్వాలు కుక్కి.. అత్యాచారానికి పా
హైదరాబాద్ నగరంలో మరో దారుణం జరిగింది. అదీ కూడా దీపావళి పండుగ రోజు రాత్రే. పొట్టకూటికోసం పనికి వెళ్ళి ఇంటికి రోడ్డుపై నడిచి వెళుతున్న ఓ యువతిని కార్లోకి లాగి.. నోట్లో తువ్వాలు కుక్కి.. అత్యాచారానికి పాల్పడ్డారు కొందరు కామాంధులు. రాష్ట్ర రాజధాని హైదరాబాద్ శివారులో ఆదివారం రాత్రి ఈ దారుణం జరిగింది.
ఈ వివరాలను పరిశీలిస్తే... పెద్ద అంబర్‌పేట శాంతినగర్‌కు చెందిన యువతి ఎల్‌బీనగర్‌ చింతల్‌కుంటలోని ఓ వస్త్ర దుకాణంలో సేల్స్‌గర్ల్‌గా పనిచేస్తోంది. ఆదివారం రాత్రి 9.30 గంటలకు బాధితురాలు విధులు ముగించుకుని ఇంటికి బయలుదేరింది. పెద్ద అంబర్‌పేట్‌ వద్ద బస్సు దిగి, శాంతినగర్‌కు నడుచుకుంటూ వెళ్తోంది.
ఆ సమయంలో ముగ్గురు యువకులు ఏపీ 29 టీవీ 6595 కారులో వచ్చి బలవంతంగా కారులో ఎక్కించుకున్నారు. అరవకుండాచేతి టవల్‌ను నోట్లో కుక్కారు. బలిజగూడ వైపు వెళ్తూ కారులోనే ఆమెపై ఒక యువకుడు అత్యాచారం చేశాడు. బాధితురాలిని కారులోకి లాగుతుండగా శాంతినగర్‌కు చెందిన ఒక వ్యక్తి ఆమెను తమ ప్రాంతానికి చెందిన యువతిగా గుర్తించాడు. స్థానికులను అప్రమత్తం చేశాడు. దీంతో దుండగులు కారు అక్కడే వదిలి పరారయ్యారు.
బాధితురాలు స్థానికులకు అసలు విషయం చెప్పి పోలీసులకు ఫిర్యాదు చేసింది. దీనిపై కేసు నమోదు చేసిన పోలీసులు.. ముగ్గురు నిందితులను సోమవారం పోలీసులు అదుపులోకి తీసుకున్నారు. ముగ్గురిలో ఒక్కడే అత్యాచారం చేశాడని పోలీసులు నిర్దారించారు. వారిని మంగళవారం అరెస్ట్‌ చేసి రిమాండ్‌కు తరలించే అవకాశం ఉంది.
