సోమవారం, 22 ఏప్రియల్ 2024
  1. వినోదం
  2. తెలుగు సినిమా
  3. గుసగుసలు
Written By ఐవీఆర్
Last Modified: మంగళవారం, 2 ఆగస్టు 2022 (17:46 IST)

ఆచార్య దెబ్బకు కొరటాల శివ కుంగిపోయారా? ఇల్లు అమ్మేసారా?

Koratala Siva
కొరటాల శివ అంటే సక్సెస్‌ఫుల్ డైరెక్టర్ అనే పేరు. ఐతే ఆచార్య చిత్రం ఫెయిల్యూర్‌తో డిజాస్టర్ డైరెక్టర్ లిస్టులో చేరిపోయారు. ఈ చిత్రం బాక్సాఫీస్ వద్ద ఘోరంగా ఫెయిలయ్యింది. ఈ చిత్రానికి పెట్టిన ఖర్చు రూ. 140 కోట్లయితే వచ్చింది కేవలం రూ. 76 కోట్లు. అంత భారీగా తేడా రావడంతో భారీ ఫెయిల్యూర్ నమోదు చేసుకోవాల్సి వచ్చింది.

 
ఈ చిత్రంతో ఒక్కసారిగా డిజాస్టర్ లిస్టులో చేరిపోయిన కొరటాల శివ కుంగిపోయినట్లు టాలీవుడ్ ఫిలిమ్ సర్కిళ్లలో చెప్పుకుంటున్నారు. ఐతే సక్సెస్-ఫెయిల్యూర్ అనేవి సినీ ఇండస్ట్రీలో మామూలే. దీని నుంచి బయటపడేందుకు జనతా గ్యారేజ్ సక్సెస్ టైంలో ఎన్టీఆర్ గిఫ్టుగా ఇచ్చిన ఇల్లును కూడా అమ్మేసుకున్నారంటూ వార్తలు వస్తున్నాయి. మరి ఇందులో నిజం వుందో లేదో కానీ... కొరటాల మాత్రం ఆచార్య ఇబ్బందులను అధిగమించడానికి నానా తంటాలు పడుతున్నారుట. 

 
తదుపరి ఎన్టీఆర్‌తో చేయాల్సిన సినిమాకు సంబంధించి స్క్రిప్ట్ వర్క్ చేసేందుకు కూర్చోలేక సతమతం అవుతున్నారట. ఎలాగైనా ఆచార్య ఇబ్బందుల నుంచి గట్టెక్కి త్వరలో యంగ్ టైగర్ చిత్రం చేస్తారని అంటున్నారు.