Genelia: దక్షిణాది సినిమాలపై జెనీలియా చెప్పిందేమిటి?
తెలుగు, తమిళ చిత్ర పరిశ్రమలలో తమ కెరీర్‌లను ప్రారంభించిన చాలామంది హిందీ నటీమణులు తరువాత బాలీవుడ్‌కు వెళ్లి, తమకు తొలి విజయాన్ని ఇచ్చిన పరిశ్రమల గురించి అవమానకరమైన వ్యాఖ్యలు చేసిన దాఖలాలు వున్నాయి. బాలీవుడ్ మీడియా దక్షిణాది నటీమణుల పట్ల వ్యవహరించే తీరు గురించి ప్రతికూల కథనానలను కొనసాగిస్తోంది.
అయితే, జెనీలియా డిసౌజా ఈ భావనను గట్టిగా ఖండించారు. ఇటీవలి ఇంటర్వ్యూలో, ఆమె ఇలాంటి పక్షపాతాన్ని సూచిస్తూ ఒక జర్నలిస్ట్ అడిగిన ప్రశ్నకు ధీటుగా సమాధానం ఇచ్చింది. ఆమె ఉత్తమ పాత్రలు దక్షిణ భారత సినిమా నుండి వచ్చాయని నమ్మకంగా చెప్పింది.
"నాకు తెలుగు, తమిళంలో ఉత్తమమైనవి వచ్చాయి. దర్శకుడు శంకర్ సర్ నన్ను ప్రారంభించారు. నేను రాజమౌళి సర్‌తో కూడా పనిచేశాను. నేటికీ, ప్రజలు నన్ను హాసిని లేదా హరిణిగా గుర్తుంచుకుంటారు" అని ఆమె అన్నారు.
జెనీలియా తన తొలి తమిళ చిత్రం బాయ్స్ (2003)లో హరిణిగా, బొమ్మరిల్లు (2006)లో ఐకానిక్ గర్ల్ హాసినిగా నటించింది. ఈ పాత్ర ఆమె స్టార్‌డమ్‌ను సుస్థిరం చేసింది. ఆమె ప్రస్తుతం అమీర్ ఖాన్ నటించిన తన రాబోయే హిందీ చిత్రం సితారే జమీన్ పర్‌ను ప్రమోట్ చేస్తోంది. శుక్రవారం జూన్ 20న విడుదల కానుంది.
