రోడ్డు ప్రమాదంలో గాయపడిన బాలీవుడ్ నటి
బాలీవుడ్ నటి మలైకా అరోరా ఓ రోడ్డు ప్రమాదంలో గాయపడ్డారు. దీంతో ఆమెను నవీ ముంబైలోని అపోలో ఆస్పత్రికి తరలించారు. ఈ ప్రమాదంలో మలైకా అరోరాకు స్వల్పంగా గాయాలయ్యాయి. దీంతో ఆమెకు సీటీ స్కాన్ తీయంగా అంతా బాగానే ఉన్నట్టు వైద్యులు వెల్లడించారు.
శనివారం మధ్యాహ్నం పూణె నుంచి ఢిల్లీకి తిరిగి వస్తుండగా ఈ ప్రమాదం జరిగింది. పూణెలోని ఓ ఫ్యాషన్ ఈవెంట్‌లో పాల్గొని ఆమె ఢిల్లీకి బయలుదేరారు. ఆమె కారు ముంబై - పూణె ఎక్స్‌ప్రెస్ హైవేపై వస్తుండగా ఖలాల్ పూర్ టోల్ ప్లాజాకు సమీపంలో మూడుసార్లు ఒకదాన్నొకటి ఢీకొన్నాయి. ఈ ఘటనలో ఆమె గాయపడ్డారు. ఆ వెంటనే ఆమెను నవీ ముంబైలోని అపోలో ఆస్పత్రికి తరలించారు. ప్రస్తుతం ఆమె ఆరోగ్యం నిలకడగా ఉన్నట్టు వైద్యులు వెల్లడించారు.
ప్రమాదం జరిగిన సమయంలో కారులను డ్రైవర్ నడుపుతుండగా ఆమెతో పాటు బాడీగార్డు కూడా కారులోనే ఉన్నాడు. కాగా, అదే సమయంలో అదే రహదారిలో వస్తున్న ఎంఎన్ఎస్ నేత ఒకరు మలైకా అరోరాను తన కారులో ఆస్పత్రికి తరలించినట్టు ఓ అధికారి వెల్లడించారు.
