బన్నీ - కొరటాల మూవీ స్టోరీ లీక్

AA 21
శ్రీ| Last Modified శనివారం, 1 ఆగస్టు 2020 (16:28 IST)
స్టైలీష్ స్టార్ అల్లు అర్జున్ ప్రస్తుతం పుష్ప సినిమా చేస్తున్నారు. క్రియేటీవ్ డైరెక్టర్ సుకుమార్.. ఈ చిత్రానికి దర్శకత్వం వహిస్తున్నారు. ఈ సినిమాని ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తుంది. ఇప్పుడు ఈ సినిమా సెట్స్ పైన ఉండగానే... బన్నీ కొరటాల శివతో సినిమాని ఎనౌన్స్ చేసారు. ఈ చిత్రాన్ని జీఏ2 పిక్చర్స్‌తో కలిసి యువసుధ ఆర్ట్స్ సంస్థ ఈ భారీ చిత్రాన్ని నిర్మించనుంది.

ఈ మూవీని ఎనౌన్స్ చేయడంతో పాటు పోస్టర్ రిలీజ్ చేసారు. ఈ పోస్టర్ ఇప్పుడు హాట్ టాపిక్ అయ్యింది. అంతేకాకుండా... ఈ పోస్టర్లో ఉన్నదానిని బట్టి కథ ఇదే అంటూ ఓ స్టోరీ ప్రచారంలో ఉంది. ఇంతకీ ఆ కథ ఏంటంటే... ఓ నదికి ఇటువైపు హీరో తన స్నేహితుడితో నిల్చొంటాడు. వీళ్ల వైపు అంతా చీకటి, ఓ తెప్ప, గుడ్డిదీపం, అన్నీ రాళ్లురప్పలు.

నదికి మరోవైపు మాత్రం అభివృద్ధి చెందిన నగరం కనిపిస్తుంది. రోడ్లు, విద్యుత్ దీపాలు, భారీ భవంతలు, సెల్ టవర్లు ఇలా అన్నీ ఉన్నాయి. ఈ ఇద్దరు వ్యక్తులు ఆ నగరం వైపు చూస్తూ నిల్చొనేలా ఈ కాన్సెప్ట్ పోస్టర్ రిలీజ్ చేశారు. మంచి సందేశాత్మక సినిమాల్ని కమర్షియల్‌గా తీయడంలో కొరటాల దిట్ట.

ఇందులో బన్నీ స్టూడెంట్ లీడర్‌గా నటిస్తున్నాడని.. ఎంత అభివృద్ది చెందినా ఇంకా పల్లెటూర్లు అభివృద్దికి ఆమడ దూరంలో అలాగే ఉన్నాయని... వీటి కోసం ఓ స్టూడెంట్ లీడర్ ఏం చేసాడు అనేది ఈసినిమాలో చూపించనున్నారు కొరటాల అంటూ ప్రచారం జరుగుతుంది. మరి.. ప్రచారంలో ఉన్న కథ నిజమేనా..? కాదా..? అనేది తెలియాలంటే కొన్ని రోజులు ఆగాల్సిందే.



దీనిపై మరింత చదవండి :