'యాత్ర -2': అచ్చుగుద్దినట్టు జగన్ మాదిరిగా జీవా..
'యాత్ర' సినిమాకు దర్శకత్వం వహించిన మహీ వి రాఘవ..'యాత్ర -2' కూడా దర్శకత్వం వహిస్తున్నారు. జగన్ పాత్రను తమిళ హీరో జీవా పోషిస్తున్నారు. సీక్వెల్‌లో జగన్ ఓదార్పు యాత్ర, వైసీపీ ఆవిర్భావం, పాదయాత్ర, భారీ మెజారిటీతో జగన్ సీఎం కావడం తదితర అంశాల్ని చూపించబోతున్నారని ఈ పోస్టర్స్‌ని చూస్తేనే అర్థం అవుతుంది.
యాత్ర -2 సినిమాను 2024 ఫిబ్రవరి 8న విడుదల చేయనున్నట్టు చిత్ర యూనిట్ ప్రకటించింది. ప్రస్తుతం యాత్ర- 2కి సంబంధించిన ఫొటోలు సోషల్ మీడియాలో వైరల్ అవుతున్నాయి. ఈ పోస్టర్స్‌లో జీవా అచ్చుగుద్దినట్టు జగన్ మాదిరిగా ఉన్నారనే కామెంట్స్ వినిపిస్తున్నాయి.
