మామిడి కాయ తింటే గర్భందాల్చినట్టేనా : లక్ష్మీరాయ్ ప్రశ్న
మెగాస్టార్ చిరంజీవి నటించిన చిత్రం "ఖైదీ నంబర్ 150". ఈ చిత్రంలో స్పెషల్ సాంగ్‌లో నటించిన హీరోయిన్ లక్ష్మీరాయ్. రత్తాలు రత్తాలు సాంగ్‌లో చిరంజీవితో పోటీపడి డ్యాన్స్ చేసింది. దీంతో ఆమెకు మంచిపేరు కూడా వచ్చింది. అయితే, ప్రస్తుతం ఆమె గర్భందాల్చినట్టు వార్తలు హల్‌చల్ చేస్తున్నాయి. తనకు నచ్చిన ఓ కుర్రోడితో ఆమె తొందరపడటం వల్ల ఇలా అయినట్టు వార్తలు గుప్పుమంటున్నాయి.
వీటిపై లక్ష్మీరాయ్ స్పందించింది. కొందరు తన గురించి వదంతులు ప్రచారం చేయడమే పనిగా పెట్టుకున్నట్టు తెలుస్తోంది. అవును తాను పలుమార్లు ప్రేమలో పడ్డానని అయితే ఆ తర్వాత అది బ్రేకప్‌తో ముగిసిన మాట నిజమేనని అంగీకరించింది.
అలాగని తన విషయంలో ఎవరైనా జోక్యం చేసుకుని మీ ఇష్టమొచ్చినట్టు మాట్లాడతారా? అంటూ ఆగ్రహించింది. ఒక రోజు తాను మామిడికాయ తినడం చూశారని అంది. దీంతో వెంటనే తాను గర్భం దాల్చినట్లు ప్రచారం చేసేస్తున్నారని ఆరోపించింది. ఇలాంటివి అడ్డు కోవడానికి తాను కోర్టును ఆశ్రయిస్తానని రాయ్‌లక్ష్మీ చెప్పింది.
కాగా, ఈ అమ్మడు టాలీవుడ్, కోలీవుడ్, మాలీవుడ్, బాలీవుడ్ ఇలా అన్ని చిత్ర పరిశ్రమల్లో నటిస్తూ ప్రశంసలు అందుకుంటుంది. ఇపుడు ఐటమ్ సాంగ్‌ల పేరుతో అందాలను ఆరబోస్తుంది. హిందీ చిత్రం జూలీ-2లో మోతాదుకు మంచి అందాలను ఆరబోసింది. అయినప్పటికీ ఆ చిత్రం హిట్ కాలేదు. దీంతో బాలీవుడ్‌కు గుడ్‌బై చెప్పేసి మళ్లీ దక్షిణాదినే నమ్ముకుంది. ఇన్ని భాషల్లో నటించినా ఎందుకనో స్టార్ హీరోయిన్ స్టేజ్‌కు చేరలేకపోయింది.
