టైగర్ నాగేశ్వరరావు కోసం లెజెండరీ నటుడు అనుపమ్ ఖేర్!
వంశీ దర్శకత్వంలో మాస్ మహారాజా రవితేజ తొలి పాన్ ఇండియా చిత్రం టైగర్ నాగేశ్వరరావు సినిమా నుంచి తాజా అఫ్డేట్ వచ్చింది. ఈ సినిమా ఓపెనింగ్ ఈవెంట్ అంగరంగ వైభవంగా నిర్వహించారు. ఆ తర్వాత సినిమా కోసం వేసిన భారీ సెట్ టాక్ ఆఫ్ ది టాలీవుడ్‌గా మారింది. ప్రస్తుతం ఈ సినిమా షూటింగ్ శరవేగంగా సాగుతోంది.
ప్రస్తుతం ఈ సినిమా కాస్టింగ్ అదుర్స్ అనిపిస్తోంది. ఈ చిత్రంలో కీలక పాత్ర కోసం లెజెండరీ నేషనల్ అవార్డ్ విన్నింగ్ నటుడు అనుపమ్ ఖేర్‌ను ఎంచుకున్నారు. టైగర్ నాగేశ్వరరావు నిర్మాత అభిషేక్ అగర్వాల్ నిర్మించిన బాలీవుడ్ బ్లాక్‌బస్టర్ ది కాశ్మీర్ ఫైల్స్‌లో అతను కూడా ఒక భాగం. అతను నాగేశ్వరరావు టీమ్‌లో చేరడం ద్వారా కాస్టింగ్ డిపార్ట్‌మెంట్ స్థాయిని మెరుగుపరచడమే కాకుండా హిందీ మార్కెట్‌కు కూడా సహాయపడుతుందని మేకర్స్ భావిస్తున్నారు.
ఇకపోతే.. అభిషేక్ అగర్వాల్ ఆర్ట్స్ నిర్మాత అభిషేక్ అగర్వాల్.. అత్యంత ప్రతిష్టాత్మక ప్రాజెక్ట్ కాబట్టి, నిర్మాత రాజీపడని బడ్జెట్‌తో చిత్రాన్ని నిర్మిస్తున్నారు.
అలాగే టైగర్ నాగేశ్వరరావు పేరు మోసిన దొంగపై బయోపిక్ కావడం గమనార్హం. అంతేగాకుండా స్టువర్ట్‌పురం అనే గ్రామంలో 70లలో సెట్ వేయడం జరిగింది. ఈ చిత్రంలో రవితేజ బాడీ లాంగ్వేజ్, గెటప్ పూర్తిగా భిన్నంగా ఉంటాయి. ఈ సినిమాలో మాస్ మహారాజ క్యారెక్టర్‌ అతని కెరీర్‌లో హైలైట్‌గా నిలుస్తుంది. ఈ సినిమాలో రవితేజ సరసన నూపూర్ సనన్, గాయత్రి భరద్వాజ్ హీరోయిన్లుగా ఎంపికయ్యారు.
తెలుగు, తమిళం, కన్నడ, మలయాళం, హిందీ భాషల్లో ఈ సినిమా రూపొందనుంది. ఆర్‌ మదీ ఐఎస్‌సి సినిమాటోగ్రాఫర్‌, జివి ప్రకాష్‌ కుమార్ సంగీతం అందిస్తున్నారు. అవినాష్ కొల్లా ప్రొడక్షన్ డిజైనర్. శ్రీకాంత్ విస్సా డైలాగ్ రైటర్ కాగా, మయాంక్ సింఘానియా సహ నిర్మాతగా వ్యవహరిస్తున్నారు.
