మంచు మనోజ్‌తో ఎల్‌ఎస్ ప్రొడక్షన్స్ చిత్రం
M Srinivasulu, ManchuManoj, Bhaskar Bantupalli , D Venugopal
మంచు మనోజ్ ఇప్పటి వరకు చేసిన సినిమాలు ఒకెత్తు అయితే.. ఇకపై చేయబోయే సినిమాలు ఇంకో ఎత్తు. ఇప్పుడు ఆయన పూర్తిగా డిఫరెంట్ జానర్‌లను ఎంచుకుంటూ ప్రేక్షకులను మెప్పించేందుకు రెడీ అవుతున్నారు. నేడు (మే 20) ఆయన పుట్టిన రోజు. ఈ సందర్భంగా టాలీవుడ్‌ నుంచి ఆయనకు విషెస్ వెల్లువెత్తుతున్నాయి.
ఆయన పుట్టిన రోజు సందర్భంగా కొత్త సినిమాకు సంబంధించిన అప్డేట్ వచ్చింది. ఎల్ ఎస్ ప్రొడక్షన్స్ మీద మమత సమర్పణలో ప్రొడక్షన్ నెం.3గా ఈ సినిమా రాబోతోంది. ఎం శ్రీనివాసులు, డి వేణు గోపాల్, ఎం మమత, ముల్లపూడి రాజేశ్వరి సంయుక్తంగా భారీ బడ్జెట్‌తో ఈ సినిమాను నిర్మిస్తున్నారు.
భాస్కర్ బంటుపల్లి ఈ సినిమాకు దర్శకుడిగా వ్యవహరిస్తున్నారు. టాలెంటెడ్ టీంతో తెరకెక్కుతున్న ఈ మూవీ ఇతర వివరాలను మేకర్లు త్వరలోనే తెలియజేయనున్నారు.
