పుష్పలో సమంత స్పెషల్ సాంగ్.. పోస్టర్ వచ్చేసిందిగా..!
అల్లు అర్జున్ - సుకుమార్ కాంబినేషన్లో తెరకెక్కే పుష్పలో స్పెషల్ సాంగ్‌లో సమంత కనిపించనుంది. దేవిశ్రీ ప్రసాద్ సంగీతాన్ని సమకూర్చిన ఈ సినిమాలో, కథానాయికగా రష్మిక కనువిందు చేయనుంది.
ఈ సినిమాను రెండు భాగాలుగా విడుదల చేయనున్నారు. మొదటి భాగాన్ని డిసెంబర్ 17వ తేదీన విడుదల చేయనున్నారు. ఈ సినిమాలో స్పెషల్ సాంగ్‌లో సమంత లుక్ ఎలా వుంటుందని ఎదురుచూసే ప్రేక్షకులకు సూపర్ పోస్టర్ వచ్చేసింది.
ప్రత్యేకంగా వేసిన సెట్లో ఆ పాటకి సంబంధించిన చిత్రీకరణ జరుగుతూ ఉండగానే, అందుకు సంబంధించిన సమంత స్టిల్ కూడా బయటికి వచ్చింది. ఇక ఈ పాట లిరికల్ వీడియోను త్వరలో వదలనున్నారు. ఫస్టు పార్టులోనే ఈ పాటను వదులుతుండటం విశేషం.
కాగా సుకుమార్ ఇంతకు ముందు చేసిన 'రంగస్థలం'లో హీరోయిన్ గా చేసిన సమంత, ఆయన తరువాత సినిమాకి స్పెషల్ సాంగ్ చేయడానికి సిద్ధపడిన సంగతి తెలిసిందే.
