స్నేహ భర్తతో సమంత రొమాన్స్.. విజయ్ సేతుపతిలో ఛాన్స్
పెళ్లికి తర్వాత భర్త నాగచైతన్యతో కలిసి మజిలీ సినిమాలో సమంత హిట్ కొట్టింది. ఆ తర్వాత సోలో లీడ్‌గా వచ్చిన కొరియన్ రీమేక్ ఓ బేబీ ద్వారా కూడా బాక్సాఫీస్ దగ్గర మంచి కలెక్షన్స్ రాబట్టింది. ప్రస్తుతం సమంత ఈ ఏడాది సినిమాలతో హిట్ కొట్టేందుకు సిద్ధమైంది. శర్వానంద్‌‌తో కలిసి నటించిన 'జాను' ఇటీవలే విడుదలై బాక్సాఫీస్ దగ్గర కుదేలైంది.
ఈ సినిమాను దిల్ రాజు నిర్మించగా తమిళ మాతృక ''96''ను డైరెక్ట్ చేసిన ప్రేమ్ కుమారే ఈ సినిమాకు దర్శకత్వం వహించాడు. సమంత ఇటు సినిమాల్లో నటిస్తూనే అమేజాన్‌ ప్రైమ్‌లో ప్రసారం అయ్యే ఫ్యామిలీ మ్యాన్ అనే వెబ్ సిరీస్‌లో ఓ కీలక పాత్రలో నటిస్తోంది. సమంత తమిళ హీరో విజయ్ సేతుపతి హీరోగా తెరకెక్కనున్న ఓ చిత్రంలో హీరోయిన్‌గా ఎంపికయ్యిందని సమాచారం. దర్శకుడు అశ్విన్ శరవణన్ తెరకెక్కించనున్న ఈ చిత్రంలో మరో హీరోయిన్‌గా నయనతార నటిస్తోంది.
తాజా సమాచారం ప్రకారం సమంత మరో తమిళ ప్రాజెక్ట్‌ని ఒకే చేసిందట. హీరోయిన్ స్నేహ భర్త నటుడు ప్రసన్న సరసన ఓ మూవీలో హీరోయిన్‌గా సమంత నటించనుంది. ఈ చిత్రానికి కూడా అశ్విన్ శరవణన్ దర్శకత్వం వహిస్తారట. అశ్విన్ ఇంతకుముందు తాప్సీ ప్రధాన పాత్రలో తెరకెక్కిన 'గేమ్ ఓవర్' చిత్రాన్ని దర్శకత్వం వహించిన సంగతి తెలిసిందే.
