సోషల్ మీడియాలో సన్నీ యాక్టివ్.. డైపర్ మాస్క్.. అదిరే డ్యాన్స్
లాక్ డౌన్ సమయంలో బోర్ కొట్టకుండా ఉండేందుకు వివిధ రకాల టిప్స్ ఫాలో అవుతున్నారు సెలెబ్రిటీలు. తాజాగా బాలీవుడ్ నటి సన్నీలియోన్ తను వెడ్స్ మను చిత్రంలోని సాదీ గలీ పాటకు స్టెప్పులేసింది.
సాక్రెడ్ గేమ్స్ ఫేం నటి ఎల్నాజ్ నొరౌజి ను ఫాలో అవుతూ సన్నీలియోని చేసిన డ్యాన్స్ వీడియో ఇపుడు సోషల్ మీడియాలో చక్కర్లు కొడుతోంది. ఎప్పుడూ బోరుగా ఎప్పుడూ ఉండొద్దు. మీ ముఖాల్లో చిరునవ్వు చూసేందుకు డ్యాన్స్.. అంటూ లాక్‌డ్ అప్ విత్ సన్నీ హ్యాష్ ట్యాగ్‌ను జతచేసింది ఎల్నాజ్ నొరౌజి.
కొందరు హీరోయిన్లు హాట్ హాట్ ఫోటోలతో హీట్ పెంచుతుండగా.. గ్లామర్ డాల్ సన్నీలియోన్ మాత్రం వెరైటీ ప్రయోగాలు చేస్తూ ఇన్‌స్టాగ్రామ్‌లో షేర్ చేస్తొంది. తాజాగా బాలీవుడ్ హాట్ బ్యూటీ సన్నిలియోన్ సరికొత్త మాస్కులను తయారు చేశానని అంటోంది. ఆ మాస్కులను ధరించి ఉన్న ఫోటోలను ఇన్‌స్టాగ్రామ్‌లో పోస్టు చేసింది అమ్మడు. ఆ ఫోటోల్లో సన్ని తన ముఖానికి డైపర్ చుట్టుకొని ఉంది.
అత్యవసర సమయాల్లో డైపర్లను ఎమర్జెన్సీ మాస్కులుగా వాడుకొవాలని సూచించింది. ఇంకో ఫోటోలో పేస్‌కి మాస్కుతో పాటె బాక్సింగ్ గ్లౌజులను తొడుక్కొని ఉంది. మరో ఫోటోలో స్పైడర్ మ్యాన్ మాస్క్, లయన్ మాస్క్ ధరించి ఉంది. ఈ ఫోటోలను అభిమానులతో పంచుకుంది. ఇది చూసిన కొందరు అభిమానులు సన్నీకి ఏమైంది అని కామెంట్లు పెడుతున్నారు.
