గురువారం, 28 మార్చి 2024
  1. వినోదం
  2. తెలుగు సినిమా
  3. కథనాలు
Written By డీవీ
Last Updated : గురువారం, 15 డిశెంబరు 2022 (18:00 IST)

పల్లవి జోషి పూజతో ప్రారంభం అయిన ది వాక్సిన్ వార్ షూటింగ్

pallavi joshi pooja
pallavi joshi pooja
దర్శకుడు వివేక్ రంజన్ అగ్నిహోత్రి 'కశ్మీర్ ఫైల్స్' చిత్రంతో సంచలనం సృష్టించారు. ప్రేక్షకుల, విమర్శకుల ప్రశంసలని అందుకున్న ఈ చిత్రం ఈ ఏడాది అత్యధిక వసూళ్లు సాధించిన హిందీ చిత్రాలలో ఒకటిగా నిలిచింది. 'కశ్మీర్ ఫైల్స్'తోసరికొత్త రికార్డులని క్రియేట్ చేసిన వివేక్ రంజన్ అగ్నిహోత్రి ఇటివలే తను తీయబోయే కొత్త చిత్రానికి  'ది వాక్సిన్ వార్' టైటిల్‌ ని ఖరారు చేశారు. తాజాగా పూజా కార్యక్రమాలతో ఈ చిత్రం షూటింగ్ ప్రారంభించారు. 
 
పల్లవి జోషి దేవిని పాటలను పూజిస్తూ షూటింగ్ ప్రారంభించారు.  'ది వాక్సిన్ వార్' చిత్రం దేశంలో కోవిడ్ మహమ్మారి, టీకా కోసం జరిగిన కసరత్తులకు సంబధించిన అంశాలని ఈ చిత్రంలో చూపించబోతున్నారని ఇదివరకే విడుదల చేసిన టైటిల్, పోస్టర్ లో తెలియజేశారు. “మీకు తెలియని యుద్ధంలో మీరు పోరాడి గెలిచారు'' అనే సందేశం కూడా పోస్టర్ పై కనిపించింది.
 
భారతీయ సినిమా చరిత్రలో తొలిసారి 11 భాషల్లో దీనిని విడుదల చేయనున్నారు. హిందీ, ఇంగ్లీష్, గుజరాతీ, పంజాబీ, భోజ్‌పురి, బెంగాలీ, మరాఠీ, తెలుగు, తమిళం, కన్నడ, ఉర్దూ, అస్సామీ భాషల్లో ఈ చిత్రం విడుదల కానుంది.
ఐ యామ్ బుద్ధ ప్రొడక్షన్ పతాకం పై పల్లవి జోషి ‘ది వ్యాక్సిన్ వార్’ నిర్మిస్తున్నారు. ది కాశ్మీర్ ఫైల్స్ కోసం వివేక్ అగ్నిహోత్రితో కలిసి పనిచేసిన అభిషేక్ అగర్వాల్ తన అభిషేక్ అగర్వాల్ ఆర్ట్స్ బ్యానర్ ద్వారా దేశవ్యాప్తంగా 11 భాషలలో 'ది వాక్సిన్ వార్'ని విడుదల చేయనున్నారు.
2023 స్వాతంత్ర్య దినోత్సవం సందర్భంగా ఆగస్టు 15న ఈ చిత్రాన్ని ప్రేక్షకుల ముందుకు తీసుకురానున్నారు.