పవన్‌తో సలహాలు తీసుకున్న అలీ... వైకాపాలో చేరడం ఖాయమా?
జనసేన పార్టీ పవన్ కళ్యాణ్‌తో సినీ హాస్య నటుడు అలీ ఆదివారం కలిశారు. వైకాపాలో చేరబోతున్నట్టు ప్రచారం సాగుతున్న నేపథ్యంలో పవన్‌తో భేటీకావడం ఇపుడు ప్రాధాన్యత సంతరించుకుంది.
ఆదివారం ఉదయం అలీ స్వయంగా వెళ్లి పవన్ కళ్యాణ్‌తో భేటీకావడం ఇపుడు సరికొత్త చర్చకు తెరలేపింది. తన గురువు, మార్గదర్శకుడిగా పవన్‌ను చెప్పుకునే అలీ, పవన్‌తో భేటీ తర్వాత మీడియాతో మాట్లాడకుండానే వెళ్లిపోయారు.
కాగా, రాజకీయాల్లోకి రావాలని నిర్ణయం తీసుకున్న అలీ, అందుకు సంబంధించి పవన్ సలహాలు అడిగి ఆశీర్వాదం తీసుకునేందుకే వచ్చారనే ఆయన సన్నిహితులు అంటున్నారు. వీరిద్దరి మధ్య సమావేశం సుమారు 20 నిమిషాల పాటు జరిగింది.
