సోమవారం, 4 మార్చి 2024
  1. వార్తలు
  2. తెలుగు వార్తలు
  3. కరోనా
Written By ఠాగూర్
Last Updated : సోమవారం, 29 నవంబరు 2021 (11:56 IST)

డెల్టా వైరస్ కంటే ఆరు రెట్లు వేగంగా ఒమిక్రాన్ వ్యాప్తి!

ప్రపంచం కరోనా వైరస్ దెబ్బకు వణికిపోతోంది. ఫస్ట్ వేవ్‌లో కరోనా వైరస్ వణికించింది. సెకండ్ వేవ్‌లో కరోనా డెల్టా వైరస్ భయభ్రాంతులకు గురిచేసింది. ఇపుడు ఒమిక్రాన్ అనే వేరియంట్ వైరస్ దెబ్బకు ప్రపంచ దేశాలన్ని గడగడలాడిపోతున్నాయి. ఈ వైరస్ సెకండ్ వేవ్‌కు కారణమైన డెల్టా వైరస్ కంటే ఆరు రెట్లు వేగంగా వ్యాపిస్తున్నట్టు శాస్త్రవేత్తలు గుర్తించారు.
 
ఇప్పటికే సౌతాఫ్రికా దేశాల్లో పలు కేసులను నమోదయ్యాయి. ఈ దేశాల నుంచి ప్రపంచంలోని వివిధ ప్రాంతాలకు వచ్చిన వారిలో ఒమిక్రాన్ వైరస్ లక్షణాలు ఉన్నట్టు అనుమానిస్తున్నారు. భారత్‌తో సహా అనేక ప్రపంచ దేశాల్లో ఈ తరహా కేసులు పుట్టుకొస్తున్నాయి. దీంతో ప్రపంచ దేశాలు మరింత అప్రమత్తంగా వ్యవహరిస్తున్నాయి. 
 
ఇప్పటికే ఆఫ్రికా దేశాల నుంచి ప్రయాణికులపై గట్టి నిఘా సారించాయి. ఆ దేశాలకు విమానా రాకపోకలను నిలిపివేస్తున్నాయి. ముఖ్యంగా, ఈ వైరస్ వ్యాప్తి అత్యధికంగా సౌతాఫ్రికా, ఇటలీ, ఆస్ట్రేలియా, జర్మనీ, నెదర్లాండ్స్, హాంకాంగ్, బోట్స్‌వానా, చెక్ రిపబ్లిక్, బవేరియా, ఆస్టియా, బ్రిటన్ దేశాల్లో ఉంది. దీంతో ఈ దేశాల నుంచి ప్రయాణికులపై ఆంక్షలు విధించారు.