కార్న్ చిప్స్ ఎలా తయారు చేయాలి..?

కావలసిన పదార్థాలు:

మొక్కజొన్నపిండి - 1 కప్పు

ఉప్పు - తగినంత

మిరియాల పొడి - పావుస్పూన్

బేకింక్ పౌడర్ - పావుచెంచా

నూనె - సరిపడా.

తయారీ విధానం:

ముందుగా ఓ చిన్న బౌల్ తీసుకుని అందులో మొక్కజొన్నపిండి, ఉప్పు, మిరియాల పొడి, బేకింగ్ పౌడర్ వేసి బాగా కలుపుకోవాలి. ఈ మిశ్రమాన్ని ఓ 20 నిమిషాల పాటు అలానే ఉంచాలి. ఆ తరువాత పిండిని చిన్న చిన్న చపాతీల్లా వత్తుకుని త్రికోణాకారంలో కోసుకోవాలి. ఇప్పుడు బాణలిలో నూనె పోసి వేడయ్యాక.. వాటిని వేసి గోధుమ రంగు వచ్చే వరకు వేయించుకోవాలి. అంతే... కార్న్ చిప్స్ రెడీ..