టీ తాగితే మెదడుకి బూస్ట్ అట.. (video)

అవును.. తాజా పరిశోధనలో టీ తాగితే మెదడుకు బూస్ట్ ఇచ్చినట్లేనని తేలింది. టీ తాగేవారిలో మెదడు చురుగ్గా వుందని.. టీ తాగని వారితో పోల్చితే.. టీ తాగేవారి మెదడు మెరుగ్గా వుందని పరిశోధకులు తేల్చారు. 

మెదడు నిర్మాణానికి టీ తాగడం ద్వారా సానుకూల సహకారం అందిస్తుందనేందుకు తగిన సాక్ష్యాలు వున్నాయని.. టీ తాడం ద్వారా మెదడులో వయస్సు సంబంధిత క్షీణతకు వ్యతిరేకంగా రక్షణాత్మక ప్రభావాన్ని చూపుతుందని సూచిస్తున్నట్లు అసిస్టెంట్ ప్రొఫెసర్ ఫింగ్ లీ తెలిపారు. 

నేషనల్ యూనివర్శిటీ ఆఫ్ సింగపూర్ అధ్యయనంలో ఈ విషయం వెల్లడి అయ్యింది. అంతేగాకుండా టీ తీసుకోవడం ద్వారా ఆరోగ్యానికి ఎంతో మేలు చేస్తుందని, మానసిక స్థితి మెరుగ్గా వుంటుందని.. హృదయ సంబంధిత వ్యాధులను కూడా ఇది నివారిస్తుందని జర్నల్ ఏజింగ్‌లో ప్రచురితమైన అధ్యయనం ద్వారా తెలిసింది. 

ఇందుకోసం ఏర్పడిన పరిశోధనా బృందం 60, అంతకంటే ఎక్కువ వయస్సు గల 36 మంది పెద్దలను ఎంపిక చేసింది. వారి ఆరోగ్యం, జీవనశైలి, మానసిక శ్రేయస్సు గురించి డేటాను సేకరించింది. వారికి నిర్వహించిన న్యూరో సైకలాజికల్ ఎమ్మారై స్కాన్‌ల ద్వారా టీ తాగే వారి మెదడు మెరుగ్గా వుందని.. టీ మెదడుకు ఉత్సాహాన్ని ఇస్తుందని వెల్లడైనట్లు పరిశోధకులు తెలిపారు. ఈ అధ్యయనం 2015 నుండి 2018 వరకు జరిగింది.