ఆరోగ్యంగా వుండేందుకు 6 చిట్కాలు

ఈరోజుల్లో కూర్చుని చేసే పనులు ఎక్కువయ్యాయి. శారీరక శ్రమ తగ్గింది. దానికి తగ్గట్లుగా ఆహారపు అలవాట్ల పట్ల జాగ్రత్తలు తీసుకోవాలి. అవేమిటో తెలుసుకుందాము. రోజూ తినే ఆహారంలో వీలైనంత వరకు పసుపు వాడితే గుండెకు మంచిది. ఇది కొవ్వును క‌రిగించేందుకు ఉప‌యోగ‌ప‌డుతుంది. పసుపు వాడుతుంటే రక్తపోటును నియంత్రణలో ఉంచుతుంది. రక్తనాళాల్లో రక్తం గడ్డకట్టే సమస్యను తొలగించి, గుండెపోటు రాకుండా కాపాడుతుంది.

యాలకులతో జీర్ణప్రక్రియ మెరుగుపడుతుంది. అంతేకాదు శరీరంలో పేరుకుపోయిన అదనపు కొవ్వును సైతం తొలగిస్తుంది. బరువు తగ్గించేందుకు కరివేపాకులు చాలా ఉప‌యోగ‌ప‌డ‌తాయి. శరీరంలో పేరుకుపోయిన టాక్సిన్లు, చెడుకొవ్వును తొలగిస్తాయి.

వెల్లుల్లి‌లోని యాంటీ బ్యాక్టీరియల్ యాసిడ్స్ కొవ్వును బాగా క‌రిగిస్తాయి. అందుకే వెల్లుల్లిని 'ఫ్యాట్ బర్నింగ్ ఫుడ్' అని పిలుస్తారు. వంట నూనెల్లో రారాజు ఆలివ్ ఆయిల్. అన్ని నూనెలకంటే ఇందులోనే తక్కువ కొలెస్ట్రాల్ ఉంటుంది, ఇది గుండెకు ఎంతో మేలు చేస్తుంది. బరువును తగ్గించేందుకు క్యాబేజీ చక్కగా పనిచేస్తుంది. తరచూ క్యాబేజీని తినే వారిలో కొలెస్ట్రాల్ మోతాదు తక్కువగా ఉంటుంది.