వేసవిలో కీరదోసతో ఎన్ని ప్రయోజనాలో..!
వేసవి కాలంలో శరీరానికి చల్లదనాన్నిచ్చే ఆహారపదార్థాలలో కీరదోస కూడా ఒకటి. కీరదోస ఈ సీజన్‌లో బాగా దొరుకుతుంది. కీరదోసకాయలతో మనకు అనేక లాభాలు కలుగుతాయి. ముఖ్యంగా వేసవిలో కీరదోసను నిత్యం తీసుకోవాలి. దాంతో అనేక ఆరోగ్యకర ప్రయోజనాలను పొందవచ్చు.
కీరదోస వల్ల కలిగే ప్రయోజనాలు:
* శరీరంలో కొలెస్ట్రాల్ శాతం అధికంగా ఉన్నవారు, డయాబెటిస్ ఉన్నవారు కీరదోసను తింటే సమస్యలు తగ్గుముఖం పడతాయి.
* కీరదోసకాయలను తినడం వల్ల శరీరంలో ద్రవాలు సమతుల్యంలో ఉంటాయి. డీహైడ్రేషన్ బారిన పడకుండా ఉంటారు. ఎండ దెబ్బ తగలకుండా ఉంటుంది.
* అధిక బరువు ఉన్న నిత్యం కీరదోస తింటే బరువు తగ్గుతారని సైంటిస్టుల పరిశోధనలో తేలింది.
* వేసవిలో పలు వేడి చేసే పదార్థాలను తినడం వల్ల కొందరికి విరేచనాలు అవుతుంటాయి. అలాంటి వారు ఆ పదార్థాలను తిన్నప్పుడు కీరదోస తింటే శరీరం వేడి కాకుండా ఉంటుంది. దీంతో విరేచనాలు రాకుండా ముందస్తుగా నిరోధించవచ్చు.
* కీరదోసను అడ్డంగా చక్రాల మాదిరిగా కట్ చేసి కళ్లపై కాసేపు (20 నిమిషాలు) ఉంచుకుంటే కళ్లకు మేలు కలుగుతుంది. ఎండకు వెళ్లి వచ్చే వారు కళ్లపై కీరదోస ముక్కలను ఉంచుకుంటే కళ్లపై ఒత్తడి పడకుండా చూసుకోవచ్చు.
