ఆమెపై చాలా రోజుల నుంచి మోజుపడ్డా... అందుకే నమ్మించి రేప్ చేశా...

మతం ముసుగులో అనేక మంది మత పెద్దలు ఎన్నో దారుణాలు చేస్తున్నారు. తాజాగా క్రైస్తవ మతపెద్ద పోప్ కొందరు క్రైస్తవ మతపెద్దలు నన్స్‌ను శృంగార బానిసలుగా మారుస్తున్నారని ఆవేదన వ్యక్తం చేసారు. ఇటీవలి బయటికి వచ్చిన ఓ సర్వే ప్రకారం నార్త్ అమెరికాలో దాదాపు 500 మంది క్రైస్తవ సన్యాసినులు లైంగిక దాడికి గురైనట్లు తెలిసింది. తాజాగా అమెరికాలో భక్తురాలిపై అఘాయిత్యం చేసిన మతప్రబోధకుడి వ్యవహారం బయటికి వచ్చింది.

అమెరికాలోని మియామీ నగరంలో సేక్ర్‌డ్ హార్డ్ అనే క్యాథలిక్ చర్చిలో జీన్ ఫిలిప్ అనే వ్యక్తి మత ప్రబోధకుడిగా ఉన్నాడు. సేక్ర్‌డ్ హార్డ్ చర్చికి తరచుగా వచ్చే ఒక మహిళతో ఫిలిప్ పరిచయం పెంచుకున్నాడు. తన ఇంటికి వస్తే పాప ప్రక్షాళన చేస్తానని నమ్మించాడు. అతని మాటలు నమ్మి ఆ యువతి అతని ఇంటికి వెళ్లింది. ఆమెను ఆహ్వానించిన ఫిలిప్ ఆమెకు తాగేందుకు టీ ఇచ్చాడు. టీ తాగిన యువతి మైకంతో పడిపోయింది. ఆ తర్వాత రెండు గంటల తర్వాత మెలకువ వచ్చి చూడగా ఆమె నగ్నంగా బెడ్‌పై పడి ఉంది. అయితే తనపై అత్యాచారం జరిగిందో లేదో కూడా ఆ యువతికి తెలియదని చెప్పింది.

అయితే ఈ విషయాన్ని ఎవరికైనా చెప్పాలా వద్దా అని తనలో తానే మధనపడిపోయిన ఆమె రెండు వారాల తర్వాత ఇతర మత ప్రబోధకులకు చెప్పింది. వారు ఇచ్చిన సలహా ప్రకారం ఆమె ఫిలిప్ గురించి పోలీసులకు ఫిర్యాదు చేసింది. పోలీసులు ఫిలిప్‌ను అరెస్ట్ చేయగా అతను చేసిన తప్పును ఒప్పుకున్నాడు. ఆమెపై చాలా రోజులుగా మోజు పడ్డానని, అందుకే ఆమెను ఇంటికి పిలిపించి టీలో మత్తుమందు ఇచ్చి అత్యాచారం చేసానని ఒప్పుకున్నాడు.